KHRIHFA NUNNING IN NUNNAK
Phungchimnak ah Thiamnak Ṭhanternak—I Timhtuah Awkah Baibal A Cawngmi Kha Cawnpiak
ZEICAH A BIAPIT: Baibal a cawngmi hna nih timhtuahnak an ngeih ahcun an hngalhthiam deuh lai, cun kan cawnpiakmi hna zong kha an i cinken khawh deuh lai. Cutin an hngalhthiam i an i cinken ahcun khulrang in an ṭhangcho lai. Tipil in hnu hmanhah “ralring tein” an um khawh nakhnga pumhnak ca le phungchimnak caah an i timhtuah a hau. (Matt. 25:13) Hlathlainak tuah ning kha an hngalh i hmaan tein an tuah ahcun an nunnak ah ṭhatnak tampi an hmuh lai. I timhtuahnak ah an ṭhancho nakhnga a hramthawk tein kan bawmh hna awk a si.
TUAH KHAWH NING:
-
Zohchunhawk a ṭhami si. (Rom 2:21) Baibal na cawnpiakmi i a kong kha ruat in i timtuah. (km-HK 11/15 3) A phi na rinmi na cauk kha hmuhsak
-
I timhtuah awkah thazaang pe. Baibal cawnpiaknak nan thawkka in i timhtuahnak ngeih cu a biapi tukmi a si kha hngalhter law mah in ṭhatnak hmuh khawh ning kong kha chim. I timhtuahnak ah zeitindah a caan pek khawh a si ti zong kha chim. I timhtuahnak cu zeitluk in a ṭhat ti hngalh khawh awkah Baibal a cawnpiaktu cheukhat nih a phi an rin ciami cauk kha an hmanter hna. Aa timhtuah tikah thangṭhat
-
I timhtuah khawh ning kha hmuhsak. Baibal cawnpiaktu cheukhat nih an cawng dingmi a kong pakhat caah i timhtuah khawh ning kha an hmuhsak hna