Kutka hram ah ngakchia pakhat he ton tikah inn ah a nu le a pa an um le um lo kha hal awk a si. Mah cu nulepa nawlngeihnak upat langhter a si. (Ptb. 6:20) Ngakchia nih innchung luh awkah aan sawm ahcun nem tein na al awk a si. A nu le a pa an um lo ahcun a hnuah len ṭhan awk a si.

Ngakchia cu kum 15 le kum 19 kar a si hmanhah inn ah a nu le a pa an um le um lo hal cu a ṭhami a si. A nu le a pa an um lo ahcun a nu le a pa nih ca an relter duh maw, duh lo ti kha hal awk a si. An relter duh ahcun cauk hna pekṭhenh khawh a si. Cun jw.org/mya website zong kha na hmuhsak khawh.

Lungthawhnak a ngeimi mino pakhat sin lennolh ṭhan tikah a nu le a pa he ton khawh a si le, si lo kha hal awk a si. Mah nih kan lennak a ruang kha chim awk le chungkharmi hna caah zumhawk a tlakmi Baibal ruahnak cheuhnak kong chim awkah caanṭha a hmuhter. (Salm 119:86, 138) Nulepa cung upatnak langhternak nih a ṭhami tehte khaannak a siter lai, mah lengah an chungkhar he thawngṭha chimnak caanṭha zong a kan hmuhter lai.—1Pet. 2:12.