KHRIHFA NUNNING IN NUNNAK
Lung A Dongmi Kha Jehovah Nih A Khamh Hna
Kan dihlak in a caan ah kan ngaih a chia tawn. Ngaihchiat cu thlaraulei ah der tinak a si lo. A caan ah Jehovah hmanh nih a ngaihchiatnak kong kha a phuan ve. (Gen. 6:5, 6) Asinain kan ngaih a chiat tuk asiloah a zungzal in kan ngaih a chiat ah tah zeitin?
Bawmhnak hmuh awkah Jehovah sinah thlacam. Jehovah nih kan intuarnak kong kha hngalh a duh tuk. Zeitik ah dah kan i nuamh i zeitik ah dah kan ngaih a chiat ti kha a hngalh. Kan ruah ning le kan intuar ning kha a hngalhthiam. (Salm 7:9b) A biapi bikmi cu Jehovah nih a kan zohkhenh i kan ngaihchiatnak asiloah kan lungretheihnak hmanh kha tawnghtham awkah a kan bawmh khawh.—Salm 34:18.
Na lungthin kha kilveng. A ṭhatlonaklei in hmuhnak ngeihnak nih kan i nuamhnak leng ah kan biaknak hmanh kha a hnorsuan khawh. Cucaah kan lungthin le kan chunglei ruahnak dihlak kha kilven awkah kan si khawh chung in kan i zuam.—Ptb. 4:23.
UNAU HNA NIH DAIHNAK AN HMUH NING TIMI VIDEO KHA ZOH LAW MAH BIAHALNAK HNA HI PHI:
-
Lungdongh zawtnak tawnghtham awkah Nikki nih zei a ṭha tukmi thil hna dah a tuah?
-
Nikki nih siithlop ka hau tiah zeicah a ruah?—Matt. 9:12
-
Bawmhnak hmuh awkah Jehovah aa bochan kha zei ti lam in dah a langhter?
