KHRIHFA NUNNING IN NUNNAK
Nulepa Hna—Nan Fale Kha Pathian Lei Fimnak Ngeih Awkah Bawm Hna U
Nulepa nih an fale Pathian lei fimnak an hmuh khawh nakhnga an bawmh khawh hna ning a ṭha bikmi lamkhat cu Khrihfabu pumhnak in ṭhathnemhnak an hmuh nakhnga an bawmh hnanak thawng in a si. Pumhnak ah an hmuhmi, an theihmi le a phi an pekmi nih Jehovah kong cawn awk le a hawikom si awkah a bawmh khawh hna. (Deut. 31:12, 13) Nulepa na si ahcun na fa nih pumhnak in ṭhathnemhnak tampi a hmuh nakhnga zeitindah na bawmh khawh?
-
Biakinn ah i pumh peng ding in i zuam.—Salm 22:22
-
Pumh thawk hlan asiloah pumh dih hnuah unau pawl he hawikomhnak tuah.—Heb. 10:25
-
Chungkharmi pakhat cio nih pumhnak ah cawn dingmi cauk hna kha electronic in asiloah nammi cauk in an ngeih le ngeih lo kha hngalh awkah i zuam
-
Na fa kha amah holh tein a phi i timhtuah awkah bawm.—Matt. 21:15, 16
-
Pumhnak kong le mah in cawn khawhmi kong he aa tlaiin a ṭhatnak lei in chim
-
Nan fale kha Biakinn thianhhlimhnak le Khrihfabu unau pakhatkhat chawnhbiaknak ti bantuk ah an i tel nakhnga bawm hna u
Nan fale Jehovah he i naih awkah bawmh cu fakpi in i zuam a haumi rian a si i a caan ah nan lung hmanh a dong kho men. Asinain Jehovah nih aan bawmh hna lai kha zum u.—Isa. 40:29.
NULEPA HNA, JEHOVAH KHA I BOCHAN U TIMI VIDEO KHA ZOH LAW MAH BIAHALNAK HNA HI PHI:
-
Zack le Leah kha zeinihdah an tha a batter hna?
-
Nulepa nih thazaang hmuh awkah zeicah Jehovah kha an i bochan awk a si?
-
Zack le Leah nih hlawhtlinnak hmuh awkah Jehovah an i bochan kha zei ti lam in dah an langhter?