Na hlathlaimi kha i cinken awkah naa harh maw? Nangmah lawng na si lo, mi tampi zong an i harh. Asinain Jesuh nih a hmanmi tahchunhnak hna cu cinken awkah a fawi tuk. Jesuh chimmi kha na mitthlam ah na cuanter ahcun naa cinken deuh lai. Cu bantuk in na hlathlaimi kong kha na mitthlam ah cuanter law naa cinken kho deuh lai. Zeitindah cutin na tuah khawh? Na hlathlaimi kong kha zuk suainak thawng in a si.

Thil thar an cawnmi kong kha zuk in an suai tikah mi nih an i cinken deuh tawn. Biafang lawng si loin a bik in a chim duhmi kong zong hngalhthiam awkah a bawmh hna. Zuk an suaimi cu dawh tein an suaimi a si lo. A tawinak in an suai sawhsawhmi a si. Zuk suainak cu kum upa hna caah a hleiin a ṭha.

A hnu i hlathlainak na tuah tikah na cawnmi kong kha zuk suai ding in i zuam. Cutin na tuah ahcun na ruahnak leng in tam deuh naa cinken khawh lai!