VENNAK INNSANG (CAWN AWK CAUK) 2020 June
Hi capar ah 2020, August 3-30 tiang cawn dingmi capar aa tel.
“Na Min Thiang Cu Upat Si Ko Seh”
Cawn awk capar 23: August 3-9, 2020. Sermi thil vialte nih zei a biapimi thil dah an ton? Mah cu zeicah a biapit tuk i kannih tah mah ah zeitindah kan i tel? Mah biahalnak le mah he aa tlaimi biahalnak a phi hngalhthiamnak nih Jehovah he kan i pehtlaihnak kha fehter awkah a kan bawmh lai.
“Na Min Ṭih Awkah Ka Lungthin Kha Ka Funtompiak Ko”
Cawk awk capar 24: August 10-16, 2020. Hi capar ah Salm 86:11, 12 chung i Siangpahrang David nih Pathian sinah thla a camnak kong kha kan i ruah hna lai. Jehovah min ṭih timi cu zei sullam dah a si? Mah a liannganmi min kha zeicah kan ṭih awk a si? Thil ṭhalo tuah dingin lem kan si tikah Pathian ṭihnak nih zeitindah a kan kilven khawh?
Careltu Hna Sinin Biahalnak
“Thlarau nih a chuahtermi” ziaza kha Galati 5:22, 23 lawngah maw langhter a si?
‘Keimah Hrimhrim Nih Ka Tuu Kha Ka Kawl Cang Hna Lai’
Cawn awk capar 25: August 17-23, 2020. Kum tampi chung zumhfek tein Jehovah rian a ṭuanmi cheukhat nih Khrihfabu kha zeicah an kaltak? An kong he aa tlaiin Pathian nih zeitindah a intuar? Hi capar ah mah biahalnak a phi kha kan i ruah hna lai. Cun Baibal chan ah Jehovah nih a sinin caan tawite chung lam a pialmi hna a bawmh hna ningin zeidah kan cawn khawh timi kong zong kan i ruah hna lai.
‘Ka Sinah Kir Ṭhan U’
Cawn Awk Capar 26: August 24-30, 2020. Jehovah nih Khrihfa bu he pehtlaihnak a ngei ti lomi hna kha a sinah kir ṭhan hna seh ti a duh. ‘Ka sinah kir ṭhan u’ timi Jehovah sawmnak cohlan a duhmi, a cawlcang ti lomi hna kha thazaang tampi kan pek khawh hna. Hi capar ah cutin an tuah khawh nakhnga kan bawmh khawh hna ning kong kha kan i ruah hna lai.
