Baibal nih a chim lo. Asinain an i thimmi ruang ah a cang khomi hngalh duh awk ngai a simi a dikthliar kong kha a fianter.

Vancungmi nih Mary kha fa na pawi lai i na hrin lai tiah a ti. Vancungmi nih mah kong a chimh lioah Mary le Josef cu Josef chuahkehnak Galili peng Nazareth khua ah an um. (Luka 1:26-31; 2:4) A hnuah Izipt in an kir ṭhan i Nazareth khua ah an kal ṭhan. Jesuh cu mah khua i a ṭhan caah Nazareth khuami a si. (Matt. 2:19-23) Cucaah Jesuh, Josef le Mary kong kan chim tikah Nazareth khua kha kan lung ah a chuahnak a si.

Mary cu Judah ah a ummi Elizabeth timi rualchan a ngei. Elizabeth cu tlangbawi Zekhariah nupi a si i Tipil petu Johan nu a si. (Luka 1:5, 9, 13, 36) Mary cu Elizabeth sinah a tlawng i Judah ah thla thum a um. Mah hnuah Mary cu Nazareth ah a rak kir ṭhan. (Luka 1:39, 40, 56) Cucaah Mary nih mah khua kong kha a theihnak a si.

Josef nih “min i thlak” ding timi nawlbia kha a ngaih. Cucaah Josef cu Bethlehem in “David siangpahrang chuahnak khua” le Messiah chuah lainak he aa tlaiin chimchungnak hmun a simi Nazareth khua ah a kal. (Luka 2:3, 4; 1 Sam. 17:15; 20:6; Mik. 5:2) Cuka ah Mary nih Jesuh a hrin hnuah Josef nih bawmhte he Nazareth ah caan saupi kal in kir ṭhan ding ah aa ruahchan lo. Cucaah Jerusalem in kilomiter 9 (meng 6 hrawng) a hlatnak Bethlehem ah an um. Bawhte kha biakinn ah kalpi in aa tlakmi rawithawinak pek cu an caah a fawi deuh lai.—Lev. 12:2, 6-8; Luka 2:22-24.

Pathian vancungmi nih a hmasa ah Mary sinah na fapa cu “David bawiṭhutdan” ah “siangpahrang” in uktu a ṭuan lai tiah a ti. Josef le Mary nih Jesuh cu David chuahnak khua ah hrin a simi cu a biapimi a si ti kha an hngalh men ko lai. (Luka 1:32, 33; 2:11, 17) Cucaah cuka ah um in Pathian lamhruainak hngah cu fim a si tiah an ruahmi a si kho men.

Arfi zohthiam cheukhat an phanh tikah Bethlehem ah zei can dah an um ti kha kan hngalh lo. Asinain an chungkhar cu inn pakhat ah an um cang i an fapa cu bawhte si ti loin “ngakchia” a si cang. (Matt. 2:11) Cucaah Nazareth ah kir ṭhan ti loin thil sining a ṭhat tiang Bethlehem ah um dawh an si.

Herod nih “Bethlehem . . . i a ummi khua hna chung i ngakchiapa kumhnih ri in a tanglei paoh kha” thah si hna seh tiah nawl a pek hna. (Matt. 2:16) Vancungmi nih mah kong kha Josef sinah ralrin a rak pek, cucaah Josef nih Jesuh le Mary kha Izipt ram in a zampi hna i cuka ah Herod a thih tiang an um. A hnuah Josef nih a chungkhar kha Nazareth khua ah a kirpi ṭhan hna. Zeicah Bethlehem ah an kir ṭhan lo? Judah ram ah a ummi a puarhrang tukmi Herod fapa Archelaus hrial awkah Pathian nih ralrin a pekmi kha a ngaih caah a si. Nazareth cu Josef nih Jehovah biak awkah Jesuh a zohkhenh khawhnak a himnak hmun a si.—Matt. 2:19-22; 13:55; Luka 2:39, 52.

Josef cu vancung kainak lam awn a si hlan Jesuh a thih hlanah thih dawh a si. Cucaah Josef cu vawlei ah a tho ṭhan lai. Mi tampi nih amah kha an hmuh lai i Jesuh a chuah hnu tiang Mary he Bethlehem ah an rak um rihnak a ruang kha a sinin tampi an theih hna lai.