HLATHLAI AWK A KONGLAM
Dinlonak Inkhawhnak
Dinlonak inkhawhnak kong he aa tlaiin Josef hmuhtonnak in cawn awkah Genesis 37:23-28; 39:17–23 kha rel.
A konglam dihlak kha dothlat. Josef cu zeicah a ding loin pehtlaihnak a ton? (Gen. 37:3-11; 39:1, 6-10) Zei can dah a ding loin pehtlaihnak a rak ton? (Gen. 37:2; 41:46) Mah caan chung ah Jehovah nih Josef caah zeidah a tuahpiak i zeidah a tuahpiak lo?—Gen. 39:2, 21; w23.01 17 ¶13.
Tam deuh in hlathlai. Potifar nupi nih a hmaan loin sual a puhmi kong he aa tlaiin Josef nih amah le amah i runvennak bia a chim tiah Baibal nih a chim lo. Josef nih zeicah dai tein a um asiloah a dikthliar kong kha zeicah kan hngalh a herh lo timi kong hngalh awkah a tanglei Baibal caang hna nih zeitindah a kan bawmh khawh? (Ptb. 20:2; Johan 21:25; Lam. 21:37) A ding loin pehtlainak inkhawh awkah Josef kha zei sining nih dah a bawmh?—Mik. 7:7; Luka 14:11; Jeim 1:2, 3.
Zeidah kan cawn khawh? Hitin i hal:
-
‘Jesuh zultu ka si caah zei bantuk a ding lomi pehtlaihnak hna dah kan ton khawh?’ (Luka 21:12, 16, 17; Heb. 10:33, 34)
-
‘A ding loin pehtlaihnak inkhawh awkah zeitindah kaa timhtuah khawh?’ (Salm 62:7, 8; 105:17-19; w19.07 2-7)