“Mikip nih lungretheihnak an ngei cio, asinain kei ka lungretheihnak cu a zual khun. Buaibainak pakhat ruang lawngah a si lo. Thil sining a phunphun, buaibainak a phunphun ruangah a si. Pumsalei le lungthinlei in a dam lomi ka vapa hi zei can tiang dah ka cawngh rih lai ti ka hngal lo.”​—Jill. a

“Ka nupi nih a ka kaltak caah keimah lawngin ka fale pahnih kha ka zohkhenh hna. Pakhat lawngin fale zohkhenh cu a har tuk. Rian ka sungh caah thil sining cu a chia chin. Mawṭaw laisen sawknak ca hmanhah tangka ka ngei lo. Zeidah ka tuah lai ti ka hngal lo. Ka lungre a thei tuk hringhran. Mahle mah i thah cu a ṭha lo ti kha ka hngalh caah thih ka duh tiah Pathian sinah thla ka cam.”​—Barry.