AA TUAI URMI VAWLEI
3 | Na Dawtmi Hna He Nan I Pehtlaihnak Kha Kilveng
A BIAPITNAK A RUANG
Aa tuai urmi vawlei ah lungretheihnak a tam chin caah mi tampi cu an dawtmi hna he naih tein an um ti lo.
-
Mi pawl cu an hawile sinin a dang tein an um.
-
Nuva hna cu pakhat le pakhat cungah zaangfahnak an ngei ti lo.
-
Nulepa nih an fale lungretheihnak cungah lungthin an pe tuk ti lo asiloah an pe ti lo.
Na Hngalh Awk A Simi
-
Hawikom nih lungthinlei le pumsalei ah kan ngan a dam peng nakhnga a kan bawmh caah annih cu an biapi tuk, a hleiin harnak caan ah a si.
-
Aa tuai urmi vawlei ruangah a chuakmi lungretheihnak nih na chungkhar ah naa ruahchan lomi buaibainak a chuahter khawh.
-
Na fale nih thawngzamhnak ah ṭih a nungmi thil an theihmi le an hmuhmi nih na ruahnak lengin ṭihnak a ngeihter khawh hna.
Atu Ah Na Tuah Khawhmi
Baibal nih hitin a ti: “Hawikom nih cun zeitik paoh ah dawt zungzal a si, u le nau cu harnak i hrawm awkah hrin kan si.”—Phungthlukbia 17:17.
Hawikom nih a kan bawmh khawh i a ṭhami ruahnak a kan cheuh khawh. A kan dawmi hawikom nih nifatin kan tonmi zuamcawhnak inkhawh awkah thazaang ngeih dingin a kan bawmh khawh.
