nih sifah harnak kan tonmi cu atu lio nunnak asiloah hlanlio nunnak ah kan tuahmi ṭhatlonak ruangah a si tiah an zumh. Mi pakhat nih biaknaklei he aa pehtlai lomi thil hna kha a lungthin in a hloh khawh tikah hrin ṭhan lengmangnak in a luat i moksha ah a phan kho.

nih sifah harnak kan tonmi cu sualnak ca dantatnak le zumhnak hneksaknak caah a si tiah an zumh. Ngaihchiatnak kan tonmi cu “Pathian pekmi thluachuah vialte caah i lawmh peng awk le a chambaumi pawl bawmh an hau ti hngalh awkah” ralrin petu a si tiah Chaklei America Islam Bu i president a simi Dr. Sayyid Syeed nih a chim.

ah mi pakhat nih sifah harnak a tonmi cu amah tuahsernak ruangah a si tiah an zumh. Judah mi cheukhat nih thawhṭhannak a um lai i sualnak a ngei lo nain sifah harnak a tongmi hna kha dinnak in biaceihpiak an si lai tiah an ti. Kabbalistic (mystical) Judah biaknak nih hrin ṭhannak kha an cawnpiak hna, mah nih mi pakhat kha a sualnak i remh awkah caanṭha a pek ṭhan lengmang tiah an zumh.

nih mi pakhat cu a ṭhalomi a tuahsernak, a intuarnak le pumsa duhnak hna a holh hlan tiang hrin ṭhan lengmang a si lai i sifah harnak a tong lengmang lai tiah an zumh. A fimnak, a ṭhami a tuahsernak le ziaza ṭha a ngeihmi thawngin neihban (nirvana) ah a phan kho, mah cu sifah harnak zeihmanh a um lomi sining kha a si.

pawl nih sifah harnak tam deuh cu “minung chambaunak le palhnak” ruangah kan tonmi a si tiah an zumh tiin cauk pakhat (A Dictionary of Comparative Religion) nih a ti. Confucianist pawl nih ṭhatnak tuahnak thawngin sifah harnak a zor deuh kho nain sifah harnak tam deuh cu minung nakin a ṭhawng deuhmi thlarau pawl nih an chuahtermi a si tiah an zumh. Cu bantuk thil sining ah mi nih vanchiatnak asiloah vanṭhatnak kha an cohlan a hau.

nih sifah harnak kan tonmi cu hnam ngei pawl ruangah a si tiah an zumh. Mah zumhnak ningin hnam ngei pawl nih vanṭhatnak asiloah vanchiatnak an chuahter khawh i an chuahtermi harnak hna kha phungphai tampi nih a zorter khawh. Cucaah mi pakhat a zawt tikah khuachia thiamnak a ngeimi hna i an phungphai le an hmanmi sii nih khuachia rianṭuannak kha a hrawh khawh tiah an zumh.

hna nih sifah harnak kan tonmi cu Genesis Baibal cauk nih a langhter bantukin hmasa bik minu le mipa sualnak ruangah a si tiah an zumh. Asinain bu tampi nih anmah pumpak ruahnak in mi an cawnpiak hna. Tahchunhnak ah, Catholic cheukhat nih kan tonmi sifah harnak hna kha church ṭhatnak ca asiloah mi pakhatkhat khamhnak caah hman dingin ‘Pathian sinah pekchanh’ khawh a si tiah an ti.