Mino Hna—‘Nan Khamhnak a Tlin Khawh nakhnga Ṭuan Ko U’
“Ka bia nan ngaih zungzal bantuk khan . . . nan khamhnak a tlin khawh nakhnga ṭih le phang lengmang in ṭuan ko u.” —FIL. 2:12.
HLA: 41, 11
1. Tipil innak cu zeicah a biapi tukmi kehlan a si? (A hramthawknak hmanthlak zoh.)
KUM fatin Baibal a cawngmi thong tampi cu tipil an ing. An lak i tam deuh cu mino, kumhrafai asiloah mah nakin a ngakchia deuhmi hmanh an si. Annih cu biatak chungah a ṭhangmi an si men lai. Nangtah mah lakah naa tel ve maw? Naa tel ahcun kan in thangṭhat tuk. Khrihfa a simi paoh nih cun tipil kan in a hau. Cun tipil innak cu khamhnak le zungzal nunnak hmuhnak ah a herhmi a si.—Matt. 28:19, 20; 1 Pet. 3:21.
2. Jehovah sin, i pumpek kha zeicah na ṭih awk a si lo?
2 Tipil na in tikah Jehovah nih lam thar tampi in thluachuah aan pek lai. Asinain rianthar tampi zong na ngei ve lai. Zeiti lam in dah? Tipil na in ni ah “Jesuh Khrih tlanhnak
man cungah hrambunh in na sualnak kha i ngaichih in Jehovah duhnak tuah awkah nangmah tein naa pumpe cang maw?” timi biahalnak ah kaa pumpe cang tiah na rak leh. Mah cu Jehovah dawt awk le a rian ṭuannak kha na nunnak ah a biapi bik in chiah awkah bia naa kammi a si. Cu bantuk a biapi tukmi biakamnak na tuah caah naa ngaihchih ding a si maw? A si hrimhrim lo. Na nunnak kha Jehovah lam naa hruaitermi a si caah zeitikhmanh ah naa ngaichih lai lo. Jehovah a hngal lomi hna cu Satan vawlei cheubang an si. Satan nih anmah an si ah, nangmah na si ah zei ah an rel hna lo. A tak ti ahcun amah lei na ṭan ca le Jehovah na hlawt caah zungzal nunnak ruahchannak na ngeih lo tikah aa nuam tuk lai.3. Jehovah sin naa pumpek caah zei thluachuah dah na hmuh lai?
3 Nangmah tein Jehovah sin naa pumpek i tipil na in ruangah Jehovah nih thluachuah aan pekmi kha ruat. Jehovah sin naa pumpek caah zumhnak he hitin na chim khawh: “BAWIPA cu ka sinah a um caah zeihmanh ka ṭih lo; minung nih cun ka cungah zeidah an tuah khawh lai?” (Salm 118:6) Pathian lei ah a ṭangmi si le a mithmai ṭha hmuh nakin a sunglawi deuhmi zeihmanh a um lo.
Na Ngeihmi Rian
4, 5. (a) Pumpeknak cu pakhat cio nih tuah dingmi rian a si tiah zeicah kan chim khawh? (b) Kan dihlak in zei zuamcawhnak hna dah kan ton?
4 Tipil a ing cangmi Khrihfa pakhat na si caah Jehovah he nan i pehtlaihnak cu na nu le na pa cungah aa hngat lo. Na nu le na pa sin a ummi na si hmanhah Jehovah he nan i pehtlaihnak cu nangmah rian a si. Mah kong i cinken cu zeicah a biapit? Hmailei ah kan zumhnak zeitindah hneksak a si lai ti kha ahohmanh nih a dikthliar in kan hngal kho lo. Tahchunhnak ah, kumhrafai na si hlanah tipil na rak ing cang men lai. Asinain atu kumhrafai na hun si tikah intuarnak thar le buaibainak thar hna na ngei ko lai. Kumhrafai a simi nu nih hitin a chim: “Ngakchia pakhat cu sianginn ah chuahni changreu a ei lo ruangah Jehovah Tehte a simi kha duh loin a um lai lo. Asinain kum tlawmpal hnu i nupa umṭi duhnak a hun ṭhawn tikah Jehovah nawlbia zulh cu a zungzal in a ṭha bikmi a si ti kha fek tein a zumh a hau.”
5 Zuamcawhnak thar a tongmi hi mino lawng an si lo. Tipil a ing cangmi upa hmanh an i ruahchan lomi lam in an zumhnak hneksak an si. Mah cu an innchungkhar, an ngandamnak asiloah an rian he aa pehtlai kho men. Kum zeizat kan si hmanhah kan dihlak in Jehovah cungah zumhawktlak tein um a herhnak thil sining hna kan tong ko lai.—Jeim 1:12-14.
6. (a) Jehovah sin pumpek timi cu zei sullam dah a si? (b) 2 Korin 4:7 in zeidah na cawn khawh?
6 Zei thil sining paohah zumhfek tein um khawh awkah Jehovah sin na tuahmi biakamnak kha i cinken zungzal. Na hawile asiloah na nu le na pa nih Lianngan Bik Pathian kha an biak ti lo hmanhah nang cu ka biak zungzal lai tiah bia naa kammi a si. (Salm 27:10) Thil sining kip ah na biakam ningin tuah khawh awkah Jehovah sinah bawmhnak hal.—2 Korin 4:7 rel.
7. Nan khamhnak a tlin khawh nakhnga “ṭih le phang lengmang in ṭuan ko u” ti cu zei sullam dah a si?
Filipi 2:12 nih “nan khamhnak a tlin khawh nakhnga ṭih le phang lengmang in ṭuan ko u” tiah a ti. Mah cu zeithil a can hmanhah Jehovah he zeitindah kan i naih khawh lai i zumhfek tein kan um khawh zungzal lai ti kha ṭha tein ruah a hau tinak a si. Mahle mah kan i zumh tuk awk a si lo. Kum tampi chung Jehovah a bia cangmi cheukhat hmanh zumhfek tein an um lo ti kha i cinken. Na khamhnak a tlin nakhnga zeitindah naa zuam khawh?
7 Jehovah nih a hawi siter aan duh. Asinain nan i hawikomhnak a feh nakhnga le na khamhnak a tlin khawh nakhnga fakpi in naa zuam a hau.Baibal Hlathlainak Cu A Biapi
8. Pumpak Baibal hlathlainak ah zeidah aa tel? Mah cu zeicah a biapit?
8 Jehovah hawi si kan duh ahcun a bia ngaihpiak le a sinah bia chim a herh. Jehovah bia ngaihnak ah a biapi bikmi lam cu Baibal hlathlainak hi a si. Mah ah Baibal le Baibal hrambunh in chuahmi ca pawl rel le ṭha tein ruah aa tel. Asinain Baibal hlathlainak cu sianginn camipuai caah ca zoh bantuk a si lo. Mah canah lungthawk awk ngai a simi khualtlawnnak bantukin Jehovah i a kong thar pawl kawl le hlathlai kha a si. Pathian na naih deuh tikah amah zong nih aan naih deuh ve lai.—Jeim 4:8.
Jehovah he nan i pehtlaihnak kha zeitindah na ṭhatter khawh?(Catlangbu 8-11 zoh)
9. Pumpak hlathlainak caah aan bawmmi zei hriamnam hna dah na ngeih?
Tahchunhnak ah, jw.org ah taarmi “Baibal Cawnpiakmi Taktak Cu Zeidah A Si? timi hlathlainak cauk kha na hmuh khawh. Mah nih na zumhnak fehter awk le midang sin fianter khawh awkah aan bawmh lai. 2009, April thla chuah, I Hlau! mekazin i “Mino Biahalnak . . . Baibal Relnak kha a Nuammi in Zeitindah Ka Siter Khawh?” timi capar ah pumpak Baibal hlathlainak tuahning hna kha na hmuh khawh. Hlathlainak le ṭha tein ruahnak cu na khamhnak tlinternak caah a biapimi an si.—Salm 119:105 rel.
9 Jehovah bupi nih Baibal hlathlainak caah a kan bawm khomi hriamnam tampi a kan timhpiak.Thlacamnak Cu A Biapi
10. Tipil a ing cangmi Khrihfa pakhat cu zeicah thlacam a herh?
Zei bantuk lungre theihnak na ngeih hmanhah “na thilrit cu BAWIPA sinah ṭhum ta”
10 Baibal kan hlathlaimi cu Jehovah bia kan ngaihmi a si i thla kan cammi cu a sinah bia kan chimmi a si. Thlacamnak kha a phung in asiloah hlawhtlinnak hmuhnak caah vanṭhatnak a pemi men in kan ruah awk a si lo. Thlacamnak cu a kan Sertu he i chawnhbiaknak a si. Mah hi ruathmanh: Jehovah nih na chimmi bia kha theih a duh. (Filipi 4:6 rel.) Cucaah zei bantuk lungretheihnak na ngeih hmanhah “na thilrit cu BAWIPA sinah ṭhum ta” tiah Baibal nih a ti. (Salm 55:22) Mah ruahnak cheuhnak nih a bawmh hnanak kong aan chim khomi unau tampi an um. Nang zong mah nih aan bawmh khawh ve.
11. Jehovah sinah zeicah lawmhnak bia na chim zungzal awk a si?
11 Asinain bawmhnak kan herh tik caan lawngah Jehovah sinah thla kan cam awk a si lo. Baibal nih “lunglawmhnak langhter u” tiah a kan ti. (Kol. 3:15, NW) Kan tonmi buaibainak he aa tlaiin kan lungre a theih tuk tikah kan ngeihmi thilṭha vialte kha kan philh khawh. Cucaah mah hi tuah i zuam: Nifate lunglawmh awk a ruang a tlawm bik pathum kha ruat law Jehovah sinah lawmhnak bia chim. Kum 12 a si ah tipil a ing cangmi, kumhrafai a simi Abigail nih hitin a chim: “Van le vawlei ah Jehovah nakin lawmh awk a tlak deuhmi ahohmanh an um lo. A kan pekmi laksawng caah caanṭha kan hmuh tik paohah lawmhnak bia kan chim ding a si.” Abigail nih a caan ah amah tein hitin aa hal tawn: “Thaizing dam tein ka phanh khawh ahcun Jehovah kha ka lawmh lai i mah cu ka tuah dingmi a si ko lo maw?” *
A Sunglawimi Pumpak Hmuhtonnak
12, 13. Jehovah ṭhatnak kha nangmah theng nih zeitindah na hmuh khawh, Jehovah nih aan bawmhning kong ruah cu zeicah a biapit?
12 Jehovah nih Siangpahrang David kha a harmi thil sining tampi ah a rak bawmh. Cucaah David nih hitin a chim: “BAWIPA hi zeitluk in dah a ṭhat ti kha nanmah tein Salm 34:8) Mah cacaang nih Jehovah ṭhatnak kha kanmah theng nih kan hmuh a hau ti a langhter. Baibal le bupi chuahmi cauk na rel i naa pumh tikah Pathian nih midang kha zumhfek tein um awkah a bawmh hnaning kha na hngalh lai. Asinain nangmah theng Jehovah nih aan bawmhmi kha na hmuh a hau. Jehovah ṭhatnak kha nangmah theng nih zeitindah na hmuh khawh?
va kawl cio hmanh u, amah chungah him tein a ummi cu a lung aa lawm.” (Jehovah nih a bupi ah aan pekmi dirhmun kha sunsak zungzal
13 Khrihfa dihlak nih Jehovah ṭhatnak kan hmuh khawhnak lam pakhat a um. Mah cu amah le a Fapa kha naih awkah kan dihlak in a kan sawmmi hi a si. Jesuh nih “a ka thlahtu ka Pa nih ka sinah a hnuh hna dah ti lo ahcun ahohmanh ka sinah an ra kho lo” tiah a ti. (Johan 6:44) Jehovah nih a sinah a ka hnuh tiah na ruat maw? Asiloah ‘Jehovah nih ka nu le ka pa kha a sinah a hnuh hna i kei cu ka zulh sawhsawh hna’ tiah na ruat maw? Asinain Jehovah sinah naa pumpek i tipil na in tikah amah he a hleikhunmi pehtlaihnak ka ngei ti kha i cinken. Baibal nih “Pathian a dawmi pa kha Pathian nih a hngalh” tiah a ti. (1 Kor. 8:3) Jehovah nih a bupi ah aan pekmi dirhmun kha sunsak zungzal.
14, 15. Phungchimnak nih a fekmi zumhnak ngeih awkah zeitindah aan bawmh khawh?
14 Lohmun asiloah sianginn i na zumhnak kong midang sin chim awkah Jehovah nih ralṭhatnak aan pek tikah Jehovah ṭhatnak kha na hmuh khawh. Na sianginn kaiṭihawi sin phungchim cu na caah a har kho men. Zeitindah a kan lehrulh lai timi kong ah na thin a phang men lai. A hleiin mi tampi hmaiah na zumhnak kong chim kha na ṭih men lai. Zeinihdah aan bawmh khawh?
15 A hmasa bik ah na zumhnak a ruang kha ruat. Nan holh in jw.org ah hlathlainak a um ahcun mah kha hmang. Mah nih zeidah na zumh, zeicah na zumh i midang sinah zeitindah na fianter khawh ti kha ruah awkah aan bawmh lai. Na zumh taktak i ṭha tein naa timhtuah ahcun Jehovah kong tehte khaan kha na duh ko lai.—Jer. 20:8, 9.
16. Na zumhnak kong chim awkah zeinihdah ralṭhatnak aan pek khawh?
16 Ṭha tein naa timhtuah bu hmanhin na zumhnak kong fianter kha na ṭih rih men ko lai. Kum 13 a si ah tipil a ing i atu ah kum 18 a simi unaunu nih hitin a chim: “Ka zumhmi kha ka hngalh ko nain a caan ah chim awkah kaa harh.” Cucaah a zumhnak kong kha a fawi i ngaih a nuammi lam in chim awkah aa zuam. Hitin a ti: “Ka khaanhawi pawl nih an tuahmi thil kong kha zalong tein an chim. Kei zong cutin ka chim ve awk a si. Cucaah biaruahnak ah ‘Baibal ka cawnpiak hna lioah . . . ’ ti bantuk in ka chim. Cun chim ka duhmi kong kha ka chim. A bik in ka chimmi cu Baibal kong a si lo nain midang nih Baibal cawnpiaknak ah ka tuahmi kha hngalh an duh
tawn. A caan ah biahalnak an ka tuah. Cu bantuk lam kha ka hman deuhdeuh tikah phungchim kaa fawih deuhdeuh ve. Cun ka hlawh a tling tiah ka ruah.”17. Midang sin na zumhnak kong chim awkah zeinihdah aan bawmh khawh?
17 Midang nih na siaherhmi hna le na upatmi hna kha an hmuh tikah nangmah le na zumhnak kha upat awkah an i fawih deuh lai. A ngakchiat tein tipil a ing i kum 17 a simi Olivia nih hitin a ti: “Biaruahnak ah Baibal kong ka chim ahcun mi nih zumhnak aa hruhpimi in an ka hmuh lai ti ka phang.” A hnuah a hmuhnak kha a hun thlen. A ṭihnak kong lawng kha ruat loin hitin a ruah: “Mino tampi nih Jehovah Tehte Hna kong kha zeihmanh an hngal lo. An hmuhmi Jehovah Tehte Hna cu kanmah lawng hi kan si. Cucaah kan tuahsernak cu an lehrulhning cungah huham a ngei kho. Kan zumhnak kong chim awkah kan ning a zah asiloah kan i harh ah tah zeitin? Jehovah Tehte kan simi kha aa uangthlar lomi in an kan hmuh khawh. Mahle mah zumhnak kan ngeih lo caah ṭha tein lehrulh kan si men lai lo. Asinain kan zumhnak kong kha dai tein le mahle mah zumhnak he kan chim i biaruahnak ah kan telh ahcun an kan upat deuh lai.”
Nan Khamhnak a Tlin khawh nakhnga Ṭuan Ko U
18. Na khamhnak a tlin khawh nakhnga zeidah na tuah a herh?
18 Kan khamhnak a tlin khawh nakhnga rian nganpi kan ngei ti kha kan hngalh. Mah rian ṭuan khawh awkah Baibal rel in ṭha tein ruah, Jehovah sin thlacam le kan caah bawmtu a simi kong hna ruah a hau. Cutin tuahnak nih Jehovah cu na Hawi a si ti kha zumh chinchin awkah aan bawmh lai. Mah nih na zumhnak kong midang sin chim awkah aan forh lai.—Salm 73:28 rel.
19. Kan khamhnak a tlin khawh nakhnga i zuam cu zeicah a phut?
19 Jesuh nih hitin a ti: “Ahohmanh nih zulh nan ka duh ahcun, nanmahle nanmah nan i philh i nan vailamtahnak nan i put i nan ka zulh a herh.” (Matt. 16:24) Khrihfa dihlak nih Jesuh hnu zulh awkah Jehovah sinah i pumpek le tipil in a hau. Asinain mah nih atu ah thluachuah tampi a kan hmuhter lai i vawlei thar ah zungzal nunnak a kan hmuhter lai. Cucaah na khamhnak a tlin khawh nakhnga na tuah khawhmi vialte kha tuah.
^ cat. 11 A kong tam deuh in hngalh awkah jw.org ah taarmi “Mino Biahalnak—Zeicah Thla Ka Cam Awk A Si?” timi le tuahchunhnak ah zoh.