HLATHLAI AWK RUAHNAK CHEUHNAK HNA
Pumpak Hlathlainak Asiloah Chungkhar Pumhnak Ah Hlathlai Dingmi Hna
Jehovah kha kan pumhnak, civui le civuipi hna ah a phu in kan biak bantuk in pumpak pakhat cio le chungkhar ning zong in kan biak. Pumpak pakhat cio in le chungkhar ning in hlathlainak kan tuah tikah zei hna dah kan hlathlai khawh timi kong he aa tlaiin mah ruahnak cheuhnak hna hi ruathmanh:
-
Pumhnak caah i timtuah chung. Hla hna kha cawng law a phi pek awkah i timhtuah ding in na chungkharmi pawl kha bawm hna.
-
Baibal kong pakhat kha rel. Mah hnuah a cangmi thil sining kha hmanthlak in suai asiloah na cawn khawhmi kong pakhatkhat kha i ṭial.
-
Baibal ah aa telmi thlacamnak pakhat kong kha rel law mah nih na thlacamnak ṭhanchoter awkah zeitindah aan bawmh khawh ti kha ruat.
-
Bupi chuahmi video pakhat kha zoh law mah kong kha midang he i ruahṭi u asiloah mah video in na cawn khawhmi kong kha i ṭial.
-
Phungchim rianṭuannak caah i timtuah law chim chun.
-
Sermi thil kong kha hlathlai law mah kong kha ṭha tein ruat asiloah mah nih Jehovah kong zeidah aan cawnpiak ti kha i ruah u. a
a 2023, March, Vennak Innsang, “A Sermi Thil In Jehovah Kong Kha Tam Deuh In Cawng” timi capar ah zoh.