Nan Ral Kha Hngal U
“Satan thil ti ning cu fiang tein kan hngalh ko.” —2 KOR. 2:11.
HLA: 49, 27
1. Adam le Evi nih sualnak an tuah tikah Jehovah nih kan ral kong he aa tlaiin zeidah a phuan?
ADAM nih rul cu an holh kho lo ti kha a hngalh ko. Cucaah rul pakhat nih Evi sinah bia a chim ti a hngalh tikah a chimtu taktak cu thlarau minung pakhat a si lai ti kha Adam nih a hngalh ko lai. (Gen. 3:1-6) Adam le Evi nih mah thlarau minung cu ahodah a si ti kha an hngal lo. Asinain Adam nih mah mising lei i ṭan awk kha aa thim i dawtnak a ngeimi, vancung a Pa kha a ralchanh. (1 Tim. 2:14) Mah tikah Jehovah nih mah a ṭha lomi ral kong kha tam deuh in a phuan colh i a donghnak ah ka hrawh lai tiah bia aa kam. Asinain mah caan chungah rul hmangin bia a chimtu thlarau minung nih Pathian a dawmi vialte kha a ralchanh hna lai tiah ralrin a kan pek.—Gen. 3:15.
2, 3. Messiah a rat hlanah Jehovah nih Satan kong tlawmte lawng a phuannak a ruang cu zeidah a si?
2 Jehovah nih amah a ralchanhtu vancungmi i a min kha a chim bal lo. * Eden dum ah ralchanhnak a chuah hnu, kum 2,500 hrawngah Jehovah nih amah a ralchanhtu cu ahodah a si ti kha a phuan. (Job 1:6) Anih cu “Ralchanhtu” tiah sullam a ngeimi “Satan” tiin hngalh a si. Hebru Cathiang in 1 Chanrelnak, Job le Zekhariah Baibal cauk pathum lawngah Satan min cu langhter a si. Messiah a rat hlanah mah ral kong he aa tlaiin zeicah tlawmte lawng langhter a si?
3 Jehovah nih Satan le a tuahmi thil tampi kong kha Hebru Cathiang ah a ṭialter hna lo. Hebru Cathiang i aa tinhnak cu mi nih Messiah an thleidan khawh nakhnga le a hnu an zulh nakhnga bawmh awkah a si. (Luka 24:44; Gal. 3:24) Messiah a rat tikah Jehovah nih Satan le amah lei ah a ṭangmi vancungmi kong tam deuh in kan hngalh khawh nakhnga phuan awkah Messiah le a zultu pawl kha a hman hna. * Mah cu aa tlakmi a si, zeicatiah Satan le Satan lei ah a ṭangmi pawl hrawh awkah Jehovah nih Jesuh le chiti thuhmi hna kha a hman hna lai.—Rom 16:20; Biat. 17:14; 20:10.
Jehovah, Jesuh le zumhfekmi vancungmi hna bawmhnak thawngin kan ral kha kan tei khawh
4. Khuachia kha zeicah kan ṭih awk a si lo?
4 Lamkaltu Peter nih Satan Khuachia kha “chiandeih” tiah a ti i Johan nih “rulpi tar” le “limkeng” tiah a auh. (1 Pet. 5:8; Biat. 12:9) Asinain Khuachia kha kan ṭih awk a si lo. A ṭhawnnak cu ri a ngei. (Jeim 4:7 rel.) Mah lengah Jehovah, Jesuh le zumhfekmi vancungmi hna nih an kan huhphenh. Anmah bawmhnak thawngin kan ral kha kan tei khawh. Asinain mah a biapimi biahalnak pathum i a phi kha kan hngalh a hau: Satan cu zeitluk in dah huham a ngeih? Mi cung i huham ngeih awkah zeitindah aa zuam? A tuah khawh lomi thil cu zeidah a si? Mah biahalnak hna kha i ruah hna u sih law kan cawn khawhmi kha zohhmanh hna u sih.
Satan cu Zeitluk in dah Huham a Ngeih?
5, 6. Kan herh taktakmi kha minung cozah nih zeicah an tuah khawh lo?
5 Vancungmi tampi cu Pathian ralchanhnak ah Satan lei ah an ṭang. Buanchukcho hlanah Satan nih an lak i cheukhat kha minung nu hna he nupa sualnak tuah awkah a lemsoi hna. Baibal nih mah kha langhternak in limkeng nih arfi cheuthum cheukhat kha vancung cun a run koih ciammam hna i vawlei ah a thlak hna tiah a langhter. (Gen. 6:1-4; Judas 6; Biat. 12:3, 4) Mah vancungmi hna nih Pathian chungkhar kha an kaltak tikah Satan uknak tangah anmah tein an ṭanmi a si. Mah ralchanhtu vancungmi hna cu ṭha tein dirh an si lo tiah kan ruah awk a si lo. Mithmuh khawh lomi thlarau vawlei ah Satan nih Pathian Pennak kha i zohchunh in amah cozah kha a dirh. Amahle mah kha siangpahrang ah aa ser i khuachia pawl kha ṭha tein a dirh hna, ṭhawnnak a pek hna i vawlei uktu cungah nawl an ngei.—Efe. 6:12.
6 Satan nih minung cozah vialte uk awkah a bu kha a hman. Mah kha kan zumh khawh, zeicatiah Satan nih Jesuh kha “vawleicung ram vialte kha a hmuhsak dih” i “hi lianhngannak Luka 4:5, 6) Cozah tampi nih an rammi caah thilṭha an tuah i uktu cheukhat cu mi kha bawmh an duh taktak hna. Asinain kan herh taktakmi kha cu zei bantuk minung uktu hmanh nih an kan tuahpiak kho lo.—Salm 146:3, 4; Biat. 12:12.
vialte le hi chawva vialte hi kaan pek lai. A dihlak hin keimah pek ka si cang i ka duhmi paoh ka pek khawh hna” tiah a ti caah a si. (7. Satan nih cozah a hman lengah a hmaan lomi biaknak le chawlehnak kha zeitindah a hman? (A hramthawknak hmanthlak zoh.)
7 Satan le khuachia nih a hmaan lomi biaknak le chawlehnak zong kha hmangin “vawleicung mi vialte” kha an hlen hna. (Biat. 12:9) Satan nih a hmaan lomi biaknak hmangin Jehovah kong he aa tlaiin lihbia karhter awk le Pathian min hmanh kha thuh awkah aa zuam. (Jer. 23:26, 27) Cucaah Pathian kan bia tiah a ruatmi, lungthin ṭha a ngeimi hna cu a taktak ah Satan tu an biak. (1 Kor. 10:20; 2 Kor. 11:13-15) Tangka le thilri chawva nih minung kha nuamhnak a pek hna ti bantuk lihbia karhternak caah Satan nih chawlehnak zong kha a hman. (Ptb. 18:11) Mah lihbia a zummi nih Pathian nakin “Tangka” caah an nunnak kha an hman. (Matt. 6:24) Pathian a rak dawmi hmanh a hnuah Pathian nakin thilri chawva an duhnak cu a hung ṭhawng deuh kho.—Matt. 13:22; 1 Johan 2:15, 16.
Jehovah lei ah maw kan ṭan lai, Satan lei ah dah ti kha kan i thim a hau
8, 9. (a) Adam, Evi le ralchanhtu vancungmi hna tuahsernak in zei thil pahnih dah kan cawn khawh? (b) Satan nih vawlei a uk timi hngalhnak cu kan caah zeicah a ṭhat?
8 Adam, Evi le ralchanhtu vancungmi hna tuahsernak in a biapimi thil pahnih kan cawn khawh. Pakhatnak ah, kaphnih lawnglawng a um i pakhat kha kan i thim a hau ti kan hngalh. Jehovah lei ah kan ṭang kho asiloah Satan lei ah kan ṭang kho. (Matt. 7:13) Pahnihnak ah, Satan lei ah a ṭangmi nih an hmuhmi ṭhatnak cu ri a ngei ti kha kan hngalh. Adam le Evi nih a ṭha le ṭhalo kha anmah tein biakhiahnak nawl an hmuh. Khuachia pawl cu minung cozah cungah nawlngeihnak tlawmpal an hmu. (Gen. 3:22) Asinain Satan lei ah a ṭangmi cu thil ṭhalo an tong zungzal. Ṭhatnak taktak an hmu lo.—Job 21:7-17; Gal. 6:7, 8.
9 Satan nih vawlei a uk timi hngalhnak cu kan caah zeicah a ṭhat? Mah nih cozah cungah a hmaanmi hmuhnak ngeih awk le thawngṭha chim awkah a kan forh. Jehovah nih cozah kha upat hna seh ti a kan duh. (1 Pet. 2:17) Cozah sermi upadi hna cu a phunglam he aa ralkah lo ahcun zulhter a kan duh. (Rom 13:1-4) Asinain khoika lei hmanhah kan ṭan awk a si lo i zei bantuk ramkhel lei party asiloah minung uktu kha kan bawmh hna awk a si lo. (Johan 17:15, 16; 18:36) Satan cu Jehovah min thuh awk le a min thangchiat awkah aa zuam ti kan hngalh caah Pathian kong biatak midang cawnpiak awkah kan si khawh chungin kan i zuam. Pathian min in auh kan si ca le a min hmannak nawl kan hmuh caah kan i uangthlar. Pathian dawtnak cu tangka le thilri chawva duhnak nakin a sunglawi deuh tuk.—Isa. 43:10; 1 Tim. 6:6-10.
Satan cu Midang cung Huham Ngeih awkah Zeitindah aa Zuam?
10-12. (a) Satan nih vancungmi cheukhat lemsoi awkah zeitindah coktarh a hman? (b) Mah vancungmi pawl tuahsernak in zeidah kan cawn khawh?
10 Satan nih midang cung huham ngeih awkah hmual a ngeimi lam hna kha a hman. A duhnak tuahter awkah mi kha a caan ah a lem hna i a caan ah a tlerh hna.
11 Satan nih vancungmi tampi kha lemsoi awkah coktarh a hman. Zei in dah ka lem hna lai ti hngalh awkah caan saupi a ngiat men hna lai. Vancungmi cheukhat cu Satan hmanmi rap ah an i foih i minung nu hna he nupa sualnak an tuah. An fale cu a puarhrangmi mi nganpipi an si i an pawngkam mi hna kha an hrem hna. (Gen. 6:1-4) Satan nih mah vancungmi pawl tukforh awkah ziaza rawhralnak a hman lengah minung cungah nawlngeihnak zong kaan pek hna lai tiah bia a kamh men hna lai. Cuticun Satan nih minu tefa kong he aa tlaimi Jehovah chimchungbia kha tlinter lo awkah aa zuam. (Gen. 3:15) Asinain Jehovah nih Satan kha aa tinhnak tlinter awkah a awnh lo. Satan le khuachia pawl an i tinhnak hrawh awkah Jehovah nih Buanchukcho a tlunter.
Satan nih ziaza rawhralnak, porhlawtnak le kokek thil a lonhmi hna kha hmangin kanmah lemsoi awkah aa zuam (Catlangbu 12, 13 zoh)
12 Mah in zeidah kan cawn khawh? Ziaza rawhralnak le porhlawtnak cu hmual a ngei tukmi rap a si. Satan lei ah a ṭangmi vancungmi hna cu Pathian he vancung ah kum tampi a ummi an si. Cutin a si ko nain a ṭha lomi duhnak an hun ngei i mah an duhnak kha a hung ṭhawng tuk. Jehovah kan biaknak cu zei can a si cang hmanhah a ṭha lomi duhnak cu kan lungthin chungah hram a hun i sih kho ti kha kan i cinken awk a si. (1 Kor. 10:12) Cucaah kan lungthin chungah a ummi kha i check zungzal in ziaza rawhral duhnak le porhlawtnak lungput kha kan hloh awk a si.—Gal. 5:26; Kolose 3:5 rel.
13. Satan hmanmi a dang rap cu zeidah a si, mah kha zeitindah kan hrial khawh?
13 Satan hmanmi a dang rap pakhat cu kokek thil a lonhmi kong hngalh duhnak kha a si. Mi nih khuachia kong hngalh an duh nakhnga a hmaan lomi biaknak le nuamhsaihnak Heb. 5:14) Pathian kan dawtnak cu “lungthin taktak” in a si ahcun a ṭhami thimnak kan tuah lai. (Rom 12:9) Aa titermi pakhat cu a chimmi phundang, a tuahmi phundang a si lai. Cucaah nuamhsaihnak kan i thim tikah hitin kan i hal kho: ‘Midang kha zulh awkah ka chimhmi hna phunglam kha ka zul ve maw? Baibal ka cawnpiakmi le midang nih nuamhsaihnak kaa thimmi an hmuh tikah a chimmi ningin a tuahmi in an ka hmu lai maw?’ Midang kha zulh awkah kan chimhmi hna phunglam kan zulh ve tikah Satan rap kha hrial awkah kan i fawih deuh lai.—1 Johan 3:18.
hna kha a hman. Baisakup, electronic game le a dang nuamhsaihnak hna nih kokek thil a lonhmi kha lungthawh awk ngai a simi thil in an langhter. Mah rap kha zeitindah kan hrial khawh? Pathian bupi nih nuamhsaihnak he aa tlaiin in a ṭhami le a ṭha lomi kha cazin in an langhter lai tiah kan i ruahchan awk a si lo. Jehovah phunglam cungah hrambunh in a ṭhami thimnak tuah khawh awkah kan chiaṭha thleidannak lungthin kha kan cawnpiak awk a si. (Satan nih cozah khenkhamnak, sianginn kaiṭi hawi pawl hneknak le chungkhar ralchanhnak hna kha hmangin kanmah tlerhkhonh awkah aa zuam (Catlangbu 14 zoh)
14. Satan nih zeitindah a kan tlerhkhonh, zeitindah fek tein kan um khawh?
14 Satan nih Jehovah cungah zumhawktlak loin kan um nakhnga tlerhkhonhnak le ṭihnak hna zong a hman. Tahchunhnak ah, kan phungchim rian khenkham awkah cozah kha a hman men hna lai. Baibal phunglam kan zulh ruangah nihsawh dingin kan rianṭuanṭi hawi le sianginn kaiṭi hawi pawl kha a hman khawh hna. (1 Pet. 4:4) Satan cu zumlotu kan innchungkhar hna cung hmanhah huham a ngei kho. Kan cungah siaherhnak an ngeih caah pumh an kan sianh lomi a si men lai. (Matt. 10:36) Satan tlerhkhonhnak kha fek tein doh awkah zeidah kan tuah khawh? Satan nih a kan doh ti kan hngalh caah cu bantuk ralchanhnak kan ton tikah kan khuaruah a har awk a si lo. (Biat. 2:10; 12:17) Cun a biapimi mah kong hi kan philh awk a si lo: Satan nih a fawi tik caan lawngah Jehovah an biak i a har tik caan ahcun Pathian an hlawt lai tiah a kan ti. (Job 1:9-11; 2:4, 5) Cucaah thazaang ngeih awkah Jehovah kha kan hal zungzal awk a si. Jehovah nih zeitikhmanh ah a kan hlaw lai lo ti kha i cinken.—Heb. 13:5.
Satan Nih A Tuah Khawh Lomi
15. Satan nih tuah kan duh lomi kha tuah awkah a kan hnek kho maw? Fianter.
15 Mi nih tuah an duh lomi kha tuah awkah Satan nih a hnek kho hna lo. (Jeim 1:14) Vawleicung i mi tampi nih Satan lei ah a ṭangmi an si kha an i hngal lo. Asinain mi pakhat nih biatak a hngalh tikah Jehovah lei ah maw ka ṭan lai, Satan lei ah dah ti kha aa thim a hau. (Lam. 3:17; 17:30) Pathian nawlngaih dingin bia kan khiah ahcun kan zumhfehnak kha Satan nih a hrawk kho lai lo.—Job 2:3; 27:5.
16, 17. (a) Satan le khuachia nih zeidah an tuah khawh lo? (b) Jehovah sinah aw chuah in thlacam kha zeicah kan ṭih awk a si lo?
16 Satan le khuachia nih an tuah khawh lomi a dang a um rih. Tahchunhnak ah, kan lungthin le kan ruahnak kha an hngalh tiah Baibal nih a chim bal lo. Jehovah le Jesuh lawng nih an hngalh khawh. (1 Sam. 16:7; Mar. 2:8) Cucaah aw chuah in thla kan cam ahcun Satan le khuachia nih kan chimmi an theih lai i mah kha kanmah dohnak ah an hman lai tiah kan phan awk a si maw? A si lo. Zeicah? Mah tahchunhnak hi ruathmanh: Satan nih a kan hmuh sual lai tiin Jehovah rianṭuannak ah thilṭha tuah lai kha kan ṭih lo. Cu bantukin Satan nih a theih sual lai tiin aw chuah in thlacam kha kan ṭih awk a si lo. Mah lengah Baibal nih Pathian salle cu thangpi in thla an cam tiah voi tampi a chim i Satan nih a theih sual lai ti an phang ti zongin a ti bal lo. (1 Si. 8:22, 23; Johan 11:41, 42; Lam. 4:23, 24) Pathian duhning in kan si khawh chungin kan chim i kan tuah ahcun Jehovah nih Satan kha kanmah harnak pek zungzal awkah a awnh lai lo ti kha kan zumh khawh.—Salm 34:7 rel.
17 Kan ral kha kan hngalh a hau nain kan ṭih a hau lo. Mitlinglo kan si ko nain Jehovah bawmhnak thawngin Satan kha kan tei khawh. (1 Johan 2:14) Satan kha kan doh ahcun kan sinin a zaam ko lai. (Jeim 4:7; 1 Pet. 5:9) Tuchan ah a hleiin Satan nih mino pawl kha a doh hna. Satan dohnak kha zeitindah an tei khawh? Mah kong kha a hnu capar ah kan i ruah hna lai.
^ cat. 2 Baibal nih vancungmi cheukhat i an min kha a langhter. (Biac. 13:18; Dan. 8:16; Luka 1:19; Biat. 12:7) Cun Jehovah nih arfi pakhat cio zong min a pek hna tiah a ti. (Salm 147:4) Cucaah a hnuah Satan a hung simi telin vancungmi dihlak kha Jehovah nih min a pek hna lai ti cu hngalh khawh a si.
^ cat. 3 Hebru Cathiang ah “Satan” timi min kha voi 18 lawng kan hmuh i Khrihfa Greek Baibal ah voi 30 leng kan hmuh.