Baibal nih Na Nunnak kha Aan Thleng Rih maw?
“Pathian nih nan lungthin kha a dihumnak in, in thleng hna seh.”—ROM 12:2.
HLA: 29, 52
1-3. (a) Tipil kan in hnuah zei bantuk thlennak tuah dah kan i harh men lai? (b) Ṭhancho dingin kan i zuam tikah kan i ruah lengin a har ahcun zei biahalnak dah kan tuah khawh men? (A hramthawknak hmanthlak zoh.)
KEVIN cu kum tampi chung phe aa kah, kuak a zu, zu a ding i ritnak sii zong a hmang. [1] A hnuah Jehovah kong a cawng i Jehovah hawi si a hun duh. Asinain cutin si khawh awkah a nunnak ah thlennak nganpi a tuah a hau. Jehovah bawmhnak le a Bia, Baibal ṭhawnnak thawngin thlennak a rak tuah khawh.—Heb. 4:12.
2 Kevin cu tipil a in hnu hmanhah Khrihfa ṭha a si khawh nakhnga a sining hna aa thlen a hau rih. (Efe. 4:31, 32) Tahchunhnak ah, Kevin cu a thinhun a fawi tukmi a si. Cucaah a lungthin i uk khawh awkah aa harh tuk. Kevin nih a ziaza ṭhalo pawl ngol nakin a lungthin i uk khawh cu a har deuh tiah a ti. Asinain Jehovah sinah bawmhnak a halnak thawngin le Baibal ṭha tein a hlathlainak thawngin thlennak a tuah khawh.
3 Kannih zong Baibal cawnpiakmi ningin kan nun khawh nakhnga tipil kan in hlanah thlennak tampi kan rak tuah. Asinain Pathian le Khrih kan i zohchunh khawh deuh hna nakhnga thlennak hmetete kan tuah a herh rih. (Efe. 5:1, 2; 1 Pit. 2:21) Tahchunhnak ah, midang kong he aa tlaiin kan phunzai men lai asiloah zaangfahnak um loin an kong kan ceih men lai. Asiloah midang nih zeitindah an ka ruah lai ti kha a caan ah kan ṭih tuk men lai. Kum tampi chung thlennak tuah awkah kan i zuam ko lai nain palhnak kan tuah lengmang rih men ko lai. Cucaah hitin kan ruat men lai: ‘Mah thlennnak hmetete tuah hi ka caah zeicah a har tuk? Ka nunnak ah Baibal cawnpiakmi zulh awkah zeidah ka tuah a herh?’
Jehovah Lung Na Lawmhter Khawh
4. Kan tuahmi thil kip nih zeicah Jehovah lung a lawmhter khawh lo?
4 Jehovah kha kan dawt caah a lung lawmhter kan duh. Asinain ngaihchiat awk ngai a simi cu kannih cu mitlinglo kan si caah a zungzal in cun Jehovah lung kan lawmhter kho lo. Hitin a chimmi lamkaltu Paul bantukin kan intuar ve: “Ṭhatnak tuah duhnak kha ka chungah um hmanh sehlaw ṭhatnak cu ka tuah kho lo.”—Rom 7:18; Jeim 3:2.
5. Tipil kan in hlanah zei bantuk thlennak dah kan tuah, zei bantuk derthawmnak hna dah kan doh a herh rih?
5 Khrihfabu chungmi kan si khawh nakhnga Jehovah huatmi thil hna kha kan rak ngol. (1 Kor. 6:9, 10) Asinain kannih cu mitlinglo kan si rih ko. (Kol. 3:9, 10) Cucaah tipil kan innak a sau cang hmanhah palhnak kan tuah lengmang rih ko. A ṭhalomi duhnak kan ngei rih men lai asiloah kan derthawmnak i uk awkah kan i harh rih men lai. Kan derthawmnak kha kum tampi chung doh a hau rih men lai.
6, 7. (a) Mitlinglo kan si buin zeinihdah Jehovah hawi a kan siter khawh? (b) Jehovah sin ngaihthiamnak hal awkah zeicah kan i cungcang awk a si lo?
6 Mitlinglo kan si ko nain Jehovah he hawikom kan si kho i a biak zong kan biak khawh. Mah hi ruathmanh: Jehovah nih a hawi si dingin aan sawm lioah palhnak na tuah khawh ti kha a hngalh. (Johan 6:44) Jehovah nih lungthin a hmuh khawh caah na derthawmnak kha ṭha tein a hngalh. Asinain Jehovah nih a hawikom siter aan duh ṭhiamṭhiam rih ko.
7 Jehovah nih a kan dawt tuk caah a sunglawi tukmi laksawng a kan pek. Kanmah tlanhnak caah Jesuh nih a nunnak a pek khawh nakhnga Jehovah nih vawlei ah a rak thlah. (Johan 3:16) Cucaah palhnak kan tuah tikah Jehovah sinah ngaihthiamnak kan hal khawh. Mah tikah Jehovah nih a kan ngaihthiam lai i a hawikom kan si kho lai. (Rom 7:24, 25; 1 Johan 2:1, 2) Jesuh cu aa ngaichihmi misual mi hna caah a thi ti kha i cinken. Cucaah kan tuahmi thil cu a ṭha lo tuk tiah kan ruah hmanhah ngaihthiamnak hal awkah kan i cungcang awk a si lo. Jehovah sinah ngaihthiamnak kan hal lo ahcun a thurmi kan kut kan ṭawl lo bantuk a si lai. Mitlinglo kan si buin Jehovah hawikom kan si khawhmi cu zeitluk lunglawmh awk dah a si.—1 Timote 1:15 rel.
Jehovah he naih tein um kan duh ahcun amah le a Fapa i zohchunh awkah kan i zuam zungzal a hau
8. Kan derthawmnak kha zei rel loin zeicah kan um awk a si lo?
Salm 15:1-5) Cucaah Jehovah he naih tein um kan duh ahcun amah le a Fapa i zohchunh awkah kan i zuam zungzal lai. A ṭha lomi duhnak kha uk khawh a hau i a si khawh ahcun hloh awkah kan i zuam lai. Tipil kan innak cu zei can a si cang hmanhah Khrihfa ziaza ṭhanchoter awkah kan i zuam zungzal lai.—2 Kor. 13:11.
8 Kan derthawmnak kha zei rel loin kan um awk a si lo asiloah silhnalhnak bia kan chim awk a si lo. Jehovah nih zei bantuk minung dah a hawikom siter a duh hna ti kha a kan chimh. (9. Mihring thar kan i hruk khawh ti kha zeitindah kan hngalh khawh?
9 Lamkaltu Paul nih Khrihfa hna kha hitin a ti hna: “Nan rak nun tawn ningin aan nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si. Nan lungthin le nan ruahnak ah sertharmi nan si [zungzal] awk a si. Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si.” (Efe. 4:22-24) Mah cu thlennak tuah awkah kan i zuam zungzal a hau i “mihring thar kha i hruk” a hau tinak a si. Cucaah Jehovah kan biaknak cu zei can a si cang hmanhah mihring thar sinak ah aa telmi Khrihfa ziaza hna ngeih awkah kan i zuam zungzal awk a si. Cutin ngeih khawh awkah Baibal nih a kan bawmh khawh.
Zeicah A Har Tuk?
10. Baibal bawmhnak thawngin thlennak tuah khawh awkah zeidah kan tuah a hau, zei biahalnak hna dah kan tuah khawh men?
10 Kan dihlak in Baibal cawnpiaknak zulh kha kan duh. Asinain thlennak tuah khawh zungzal awkah fakpi in kan i zuam a hau. Cu bantuk zuamnak cu zeicah a herh? A hmaanmi thil kha fawi tein kan tuah khawh nakhnga Jehovah nih a tuah kho lo maw?
11-13. Kan derthawmnak hna tei khawh awkah an i zuam lai tiah Jehovah nih zeicah aa ruahchan?
11 Van le vawlei le a chung i a ummi thil vialte kong kan ruah tikah Jehovah ṭhawnnak kha kan hngalh khawh. Tahchunhnak ah, a ṭhawng tukmi nika kha Jehovah nih a ser. Nika nih second pakhat ah ceunak le lumnak tampi a chuahter, mah lakin tlawmte lawng vawleicung ah a phan i thilnung pawl kan nun khawh nakhnga ceunak le lumnak a kan pek. (Salm 74:16; Isa. 40:26) Mah lengah Jehovah nih vawleicung i a salle kha an herhmi thazaang zong a pek hna. (Isa. 40:29) Cucaah kan derthawmnak fawi tein kan doh khawh nakhnga le a ṭha lomi duhnak kan hloh khawh nakhnga Jehovah nih a tuah khawh ti cu a fiang ko. Cu a si ah zeicah cutin a tuah lo?
12 Jehovah nih zalong tein i thimnak nawl a kan pek. Jehovah nawl kan ngai lai maw, ngai lai lo ti kha kanmah tein i thim awkah a kan awnh. A nawl ngaih awk kan i Job 2:3-5; Ptb. 27:11) Kan derthawmnak fawi tein i uk khawh awkah Jehovah nih a kan tuahpiak a si ahcun Jehovah cungah zumhfek tein kan um, Uknak nawl a ngeihmi kan cohlan tiah kan chimmi cu sullam a ngei lai lo.
thim tik le a duhnak tuah awk kan i zuam tikah amah kan dawt le a lunglawmhter kan duh kha kan langhter khawh. Jehovah nih uknak nawl a ngeihmi kha Satan nih a zuamcawh. Asinain Jehovah nawl kan ngaihnak thawngin a nawl ngeihnak kan cohlan kha kan langhtermi a si. A nawlngaih awk kan i zuammi kha Jehovah nih a sunsak ti kha kan zumh khawh. (13 Jehovah nih Khrihfa ziaza hna ngeih awkah “fakpi in i zuam u” tiah a kan ti. (2 Piter 1:5-7 rel; Kol. 3:12) Cun kan ruahnak le kan intuarnak hna kha uk khawh awkah an i zuam lai tiah Jehovah nih aa ruahchan. (Rom 8:5; 12:9) Thlennak tuah awk i kan i zuammi a hlawh a tlin tikah kan i nuam tuk.
Baibal nih Na Nunnak Aan Thlenmi kha Cohlang
14, 15. Jehovah duhmi sining hna ṭhanchoter awkah zeidah kan tuah awk a si? (“Baibal le Thlacamnak nih An Nunnak a Thlen” timi rinli kulh kha zoh.)
14 Jehovah duhmi ziaza hna ṭhanchoter awkah zeidah kan tuah awk a si? Thlennak tuah awkah biakhiahnak lawng tuah loin Pathian kha lam i hruaiter. Rom 12:2 nih hitin a chim: “Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in, in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.” Jehovah duhnak hngalh awk, a duhnak ningin tuah khawh awk le a herhmi thlennak tuah khawh awkah Baibal le thiang thlarau hmangin Jehovah nih a kan bawmh. Cucaah Baibal kha nifate rel in ṭha tein ruah a hau, cun thiang thlarau hmuh awkah thla kan cam a hau. (Luka 11:13; Gal. 5:22, 23) Cuticun Jehovah duhnak kha kan hngalhthiam lai i a ruahning in kan ruah khawh ve lai. Mah tikah kan ruahmi, kan chimmi le kan tuahmi nih Jehovah lung a lawmhter lai. Cun kan derthawmnak zong kan uk khawh deuh lai. Asinain kan derthawmnak doh khawh awkah kan i zuam zungzal a hau.—Ptb. 4:23.
Na derthawmnak he aa tlaimi Baibal caang asiloah bupi chuahmi cauk chung i capar hna kha i cinken in atu le atu na rel ṭhanmi cu bawmtu a si kho (Catlangbu 15 zoh)
15 Nifate Baibal kan rel lengah bupi chuahmi cauk hna zong hlathlai a hau. Mah mekazin hna i capar tampi nih Jehovah sining zeitindah i zohchunh khawh a si ti le kan derthawmnak hna zeitindah doh khawh a si ti kha a kan cawnpiak. Capar cheukhat asiloah Baibal caang hna cu kan caah bawmtu taktak an si men lai. A hnuah kan rel ṭhan khawh nakhnga mah capar hna le Baibal caang hna kha kan i cinken khawh hna.
16. Khulrang in thlennak kan tuah khawh lo ahcun zeicah kan lung a dongh awk a si lo?
16 Jehovah sining hna i zohchunh awkah a caan lak a hau. Cucaah na duh tlukin thlennak ka tuah kho lo tiah na Salm 37:31; Ptb. 23:12; Gal. 5:16, 17.
ruah tikah na lung sau. Pakhatnak ah, Baibal cawnpiaknak zulh awkah nangmahle nangmah naa forh a hau men lai. Jehovah duh ningin na ruah deuhdeuh i na tuah deuhdeuh tikah Jehovah ruahning in ruah awk le a hmaanmi thil tuah awkah naa fawih deuhdeuh ve lai.—A Ṭha tukmi Hmailei Ruahchannak kong kha Ruat
17. Jehovah cungah zumhfek tein a ummi hna nih zei bantuk hmailei ruahchannak dah an i ngaih khawh?
17 Jehovah cung zumhfek tein a ummi hna nih mitling an hun si lai caan le a zungzal in Jehovah an biak lai caan kha an i ngaih tuk. Mah tikah zei bantuk derthawmnak hmanh kan doh a hau ti lai lo i Jehovah i zohchunh awkah kan i fawih tuk cang lai. Asinain Jehovah nih tlanhnak man laksawng a kan pek caah atu hmanhah kan biak khawh ko. Mitlinglo kan si ko nain Baibal chim ningin thlennak tuah awkah kan i zuam ahcun Jehovah lung kan lawmhter khawh.
18, 19. Baibal cu kan nunnak thlen khawhnak ṭhawnnak a ngei ti kha zeitindah kan zumh khawh?
18 Kevin nih a thinhunnak i uk khawh awkah a si khawh chungin aa zuam. Baibal phunglam pawl kha ṭha tein a ruah i thlennak tuah awkah fakpi in aa zuam. Zumtukhat Khrihfa pawl nih an pekmi ruahnak cheuhnak zong a zulh. Kum tlawmpal chungah a hun ṭhangcho i bu rianṭuantu a hung si kho. Atu ah Khrihfa upa in rian a ṭuannak cu kum 20 a si cang. Asinain atu hmanhah a derthawmnak doh awkah kaa zuam a hau rih ti kha a hngalh.
19 Nunnak ah a herhmi thlennak tuah khawh awkah Baibal nih a kan bawmh ti kha Kevin hmuhtonnak nih a langhter. Baibal nih a kan thlenmi kha kan cohlan ahcun Jehovah he kan i naih deuh lai. (Salm 25:14) Jehovah lunglawmhter awkah kan si khawh chungin thlennak kan tuah ahcun hlawhtlin awkah Jehovah nih a kan bawmh lai. Cun Baibal bawmhnak thawngin kan nunnak ah thlennak kan tuah khawh zungzal ti kha kan hun zumh khawh.—Salm 34:8.
^ [1] (catlangbu 1) A min thlen a si.