MI CHEUKHAT ZUMHNING Kan thih tikah pum dang in kan nung tiah a zummi an um bantukin thihnak cu zeizong vialte a donghnak a si tiah a zummi zong an um. Nangtah zeitindah na zumh?

BAIBAL CAWNPIAKMI

“A thimi nih cun zeihmanh an hngal lo.” (Phungchimtu 9:5) Kan thih tikah zeihmanh a tang ti lo.

BAIBAL IN KAN CAWN KHAWH RIHMI

• Hmasa bik mipa, Adam cu a thih tikah leidip ah a kir ṭhan. (Genesis 2:7; 3:19) Cu bantukin mithi vialte cu leidip ah an kir ṭhan.—Phungchimtu 3:19, 20.

• A thimi hna cu an rak tuahmi sualnak in an luat. (Rom 6:7) Cucaah mi pakhat cu a thih hnuah a sualnak ruangah dantat a si ti lo.

ZEITINDAH NA RUAH?

• Nung ṭhan lai

• Nung ṭhan lai lo

• Nung ṭhan kho men

BAIBAL CAWNPIAKMI

“Thihnak in kan tho ṭhan dih lai.” —Lamkaltu 24:15.

BAIBAL IN KAN CAWN KHAWH RIHMI

• Baibal nih thihnak kha i hngilh he a tahchunh. (Johan 11:11-14) Aa hngilhmi pakhat cu kan ṭhangh khawh bantukin Pathian nih a thimi hna cu a thawhter ṭhan khawh hna.—Job 14:13-15.

• Baibal ah thihnak in a thoṭhanmi hna kong tampi a um, mah cu mithi an tho ṭhan lai timi zumhnak a fehtermi langhternak an si.—1 Siangpahrang 17:17-24; Luka 7:11-17; Johan 11:39-44.