Pathian Nih Aan Zohkhenh
BAIBAL cu Pathian sinin a rami a si caah kan caah a ṭha bikmi ruahnak cheuhnak hna aa tel. Baibal cu ngandamnak zohkhenhnak cauk a si lo nain lungretheihnak, aa tuai-urmi ruahnak, lungfahnak, pumsalei le lungthinlei damlonak ti bantuk tawnghthamnak ah bawmtu a si.
A biapi bikmi cu a kan Sertu Jehovah Pathian a nih kan ruahnak le kan intuarnak kha aho nakhmanh in a hngalhthiam deuh tiah Baibal nih a ti. Pathian nih kan tonmi zei thil paohah bawmh a kan duh. Tahchunhnak ah, hnemhnak a kan pemi mah Baibal caang pahnih hi zohhmanh u sih:
“Lung a dongmi kha BAWIPA nih a umpi hna i ruahchannak a ngei lomi kha a khamh hna.”—SALM 34:18.
“Keimah cu BAWIPA nan Pathian ka si i ṭhawnnak kaan pek hna; ‘Nan thinphang hlah u, kaan bawmh hna lai,’ tiah keimah nih ka ti.”—ISAIAH 41:13.
Jehovah nih lungthinlei zawtnak tawnghtham awkah zeitindah a kan bawmh? Jehovah nih lam tampi in a kan bawmh i a kan zohkhenh taktak ti kha a hnu capar hna ah na hmuh lai.
a Jehovah cu Pathian i pumpak a min a si.—Salm 83:18, NW.
