1 | Thlacamnak—“Nan Lungretheihnak Vialte Kha Amah Cungah Chia Dih Ko U”
BAIBAL CHIMMI: “[Pathian] nih aan zohkhenh hna caah nan lungretheihnak vialte kha amah cungah chia dih ko u.”—1 PETER 5:7.
A Sullam
Jehovah Pathian nih kan ruahnak le kan lungthin harnak a pemi thilrit vialte kha a sinah phuan dingin a kan sawm. (Salm 55:22) Kan thlacammi kong cu thil hmete a si ah, thil nganpi a si ah a poi lo. Mah cu kan caah a biapimi a si ahcun Jehovah ca zongah a biapi ve. Jehovah sin thlacamnak cu lungdaihnak a kan pemi, a biapi tukmi kehlan pakhat a si.—Filipi 4:6, 7.
Bawmhnak Hmuh Khawh Ning
Lungthinlei zawtnak kan ngeih ahcun kan li a leng tuk men lai. Kan sining kha a zungzal in midang nih ṭha tein an hngalthiam lai lo. (Phungthlukbia 14:10) Asinain kan intuarnak kha Pathian sinah thlacamnak in lungtak tein kan phuan tikah zaangfahnak le hngalhthiamnak he a kan ngaihpiak lai. Jehovah nih a kan hmuh i kan lungfahnak le kan harnak kha a hngalh, cun kan lungretheihnak vialte kha a sinah phuang hna seh ti a duh.—2 Chanrelnak 6:29, 30.
Jehovah sin thlacamnak nih Pathian nih a kan zohkhenh timi kan zumhnak kha a fehter chin. Hitin thla a cammi salm caṭialtu bantukin kan zumh ve: “Ka temhinnak kha na hmuh i ka harnak kha na hngalh.” (Salm 31:7) Jehovah nih kan tonmi thil sining hna a hngalh timi hngalhnak nih harnak caan hna kha inkhawh awkah tampi a kan bawmh. Asinain kan lungretheihnak kha a hngalh sawhsawhmi lawng a si lo. Aho nakhmanh in kan sining kha a hngalh deuh i Baibal in hnemhnak le thazaang peknak hmuh awkah a kan bawmh.
Mah Kong Hna Zong Hi Na Duh Khawh Men
VENNAK INNSANG
Na Thlacamnak Ngaihpiak Na Si Nakhnga Zeitindah Na Cam Khawh?
Khoika hmun le zeitik caan paohah awchuah asiloah lungchung in Pathian sinah thlacam. Zei kong dah kan cam awk a si ti kha hngalh awkah Jesuh nih a kan bawmh.
ESSENTIAL BIBLE TEACHINGS
Pathian Nih Thlacamnak Vialte A Ngai Maw?
Mi pakhat nih mah ca ṭhatnak caah thla a cam ah tah zeitin? Pa pakhat nih a nupi kha puarhrangpi in a pehtlaih hnuah Pathian thluachuah a hal ah tah zeitin?
MINO PAWL BIAHALNAK
Zeicah Thla Ka Cam Awk A Si?
Thlacamnak cu lungthin a daihtertu asiloah thil sining a ṭhatter deuhtu a si.
VENNAK INNSANG
Pathian Nih Kan Thlacamnak A Ngai Maw?
Baibal nih aa tlakmi ningin kan cam ahcun Pathian nih kan thlacamnak a ngaih ti kha a kan zumhter.
KAN KONG
Rak Len Dingin Halnak
Baibal biahalnak kong kha i ruah u asiloah Jehovah Tehte Hna kong kha tam deuh in hlathlai.
