Baibal Cawnpiakmi
“Ni hmanung bik” caan ah kan nung maw?
Zeitindah na ruah?
Nung
Nung lo
Nung kho men
Baibal cawnpiakmi
“Ni hmanung bik kha an phak tikah harnak caan a si lai.” (2 Timote 3:1) Baibal chimchungbia le tuchan ah a cangmi thil hna nih “ni hmanung bik” caan ah kan nung ti kha an langhter.
Baibal in kan cawn khawh rihmi
Raltuknak, mangṭam, lihnin le zawtnak ṭhalo a karhmi hna cu ni hmanung bik caan i hmelchunhnak hna an si.—Matthai 24:3, 7; Luka 21:11.
Ni hmanung bik caan chungah mi pawl cu thlaraulei le ziazalei ah an ṭumchuk thluahmah lai.—2 Timote 3:2-5.
Minung ca i hmailei ruahchannak cu zeidah a si?
Mi cheukhat zumhning . . . cu ni hmanung bik caan ah vawlei le vawlei i a ummi minung vialte hi hrawh an si lai tiah an zumh. A cheu nih cun vawlei thil sining hi a ṭha chin thluamah lai tiah an zumh. Nang tah zeitindah na ruah?
Baibal cawnpiakmi
“A dingmi cu ram [vawlei, NW] chungah him tein an um lai i ram cu zungzal in anmah ta a si lai.”—Salm 37:29.
Baibal in kan cawn khawh rihmi
Ni hmanung bik caan cu ṭhatlonak vialte hrawh dih a si tikah a dong lai.—1 Johan 2:17.
Vawlei cu paradis ah ser a si lai.—Isaiah 35:1, 6.
Mah Kong Hna Zong Hi Na Duh Khawh Men
BAIBAL BIAHALNAK A PHI
“Ni Hmanung Bik” Asiloah “Donghnak Caan” Hmelchunhnak Hna Cu Zeidah An Si?
Baibal nih ni hmanung bik ah a cang dingmi thil kong kha a chimchung.
ESSENTIAL BIBLE TEACHINGS
Pathian nih Vawlei hi Zeicah A Ser?
Kan vawlei cu aa dawh tukmi thil hna in a khat. Pathian nih vawlei kha nika in a naih, a hlat aa tlaknak hmun ah a chiah, cun aa tlak ningin aa mer khawh nakhnga a ser. Pathian nih vawlei hi zeicah mah tluk dawh in a ser?
