Pathian Pennak Kong Biatak
Jesuh nih a zultu pawl kha hitin thla cam awkah a cawnpiak hna: “Vancung khua i a um kan Pa, Na min thiang cu upat si ko seh; Na Pennak cu rung tlung ko seh, Vancung khua ah na duhnak an tuah bangin Vawleicung ah hin tuah si ve ko seh.” (Matthai 6:9, 10) Pathian Pennak timi cu zeidah a si? Pathian Pennak nih zeidah a tuah lai? Zeicah Pennak caah thla kan cam awk a si?
Jesuh cu Pathian Pennak Siangpahrang a si.
Luka 1:31-33: “A min ah Jesuh na sak lai. Amah cu milian mingan a si lai i Cungnung Bik Pathian fapa tiah ti a si lai. Amah a hringsortu Siangpahrang David bawiṭhutdan kha Pathian nih amah cu a pek i Jakob tefa hna siangpahrang zungzal in a si lai, a pennak cu zeitikhmanh ah a dong lai lo.”
Pathian Pennak cu Jesuh phungchimnak ah a biapi bikmi a si.
Matthai 9:35: “Jesuh cu khuapi he khuate he a tlawng duahmah hna. An pumhnak inn ah khan a cawnpiak hna i Vancung Pennak kong Thawngṭha kha a chimh hna i a zaw a fakmi kip kha a damter hna.”
Jesuh nih a zultu pawl kha zeitikah dah Pennak a rat lai ti hngalh khawh awkah hmelchunhnak a pek hna.
Matthai 24:7: “Ram khat le ram khat an i do lai, peng khat le peng khat an i tu lai. A kenkip ah mangṭam le lihnin a tlung lai.”
Atu ah Jesuh zultu hna nih Pennak kong kha vawleicung pumpi ah an thanh.
Matthai 24:14: “Miphun vialte hna ca i tehte si awkah Vancung Pennak kong Thawngṭha hi khuazakip ah chim a si lai. Cun cu hnu lawngah cun donghnak cu a si lai.”
Mah Kong Hna Zong Hi Na Duh Khawh Men
BAIBAL BIAHALNAK A PHI
Pathian Pennak Cu Zeidah A Si?
Pathian cozah cu a dang cozah vialte nakin a ṭhat deuhnak a ruang kha hlathlai.
ESSENTIAL BIBLE TEACHINGS
Pathian Pennak Cu Zeidah A Si?
Jesuh nih vawleicung phung a chim lioah zeidang kong nakin Pathian Pennak kong kha a hleiin a rak cawnpiak hna. Kumzabu tampi chung Pennak a rat nakhnga mi tampi nih thla an rak cam.
