Na ton bal lo hmanhah lam khatkhat in na hmuh bal ko lai. Ram, miphun an i khah lo ruangah asiloah ngeihkhat aa duhmi an si ruangah huatnak a tongmi hna kong kha kan theih lengmang. Mah ruangah cozah tampi nih huatnak he aa tlaimi zaangennak a phunphun a ralchanhmi upadi hna an ser.

Huatnak a tongmi nih midang kha an huat tawn hna. Huatnak a tongmi hna nih phuhlamnak in teirul an cham tawn caah huatnak kha an alhter peng.

Thleidannak, nehsawhnak, zei rel lonak le tlerhkhonhnak hna na tong bal men lai. Huatnak cu a karh chin lengmang. Nehsawhnak, hrawhralhnak, dohdalhnak, tlaihhremnak, thahnak asiloah miphun ning hmanhin thahnak ti bantuk puarhrannak hna atu le atu a chuak.

Hi mekazin nih a tanglei i biahalnak hna le huatnak tei khawh ning kong kha a langhter lai:

• Zeicah huatnak a tam tuk?

• A alh pengmi huatnak kha zeitindah daihter khawh a si?

• Zungzal ca in huatnak a dongh lai caan a um te lai maw?