1. 1. SATAN KHUACHIA. Tuchan ah kan hmuhmi huatnak vialte kong ah a bik in rian a ngeimi cu Satan a si. Pathian nih Satan le Satan bantukin midang a huami vialte kha a hrawh dih hna lai.—Salm 37:38; Rom 16:20.

2. 2. A ṬHA LOMI SATAN I VAWLEI. Pathian nih huatnak a karhtermi ramkhel lei le biaknaklei hruaitu pawl i telin huatnak a karhtermi zei thil poah kha a hrawh dih lai. Cun a hak a kaumi, ziknawh a eimi le midang sinin a miak a lami chawlettu hna zong a hrawh hna lai.—2 Peter 3:13.

3. 3. MINUNG TLINLONAK. Minung cu tlinlonak ro a comi kan si caah a hmaan lomi thil kha kan ruah i kan tuah tawn tiah Baibal nih a ti. (Rom 5:12) Midang huatnak kong chimnak le langhternak cu mitlinglo a simi nih ngeihmi ziaza pakhat a si. Pathian nih mah a ṭhalomi ziaza kha hloh awkah a kan bawmh lai i zungzal ca in a hrawh lai.—Isaiah 54:13.

1. 1. DINLONAK A UM TI LAI LO. A dingmi le a hmunmi vancung cozah, Pathian Pennak nih vawlei kha a uk lai. (Daniel 2:44) Duhdanhnak le dinlonak hna a um ti lai lo. Atu ah mi nih an tonmi dinlonak vialte kha Pathian nih a hrawh dih cang lai.—Luka 18:7.

2. 2. MIKIP NIH DAIHNAK AN HMU LAI. Zaangennak asiloah raltuknak ruangah ahohmanh nih harnak an tong ti lai lo. (Salm 46:9) Vawleicung ah daihnak a duhmi pawl lawng an um lai caah a himmi hmun a si cang lai.—Salm 72:7.

3. 3. MIKIP CU A TLINGMI THIL SINING AH ZUNGZAL IN AN NUNG CANG LAI. Mikip nih pakhat le pakhat cungah dawtnak taktak an langhter lai. (Matthai 22:39) Ahohmanh lungretheihnak an ngei ti lai lo, a ṭha lomi ruahnak asiloah cinkennak zong a um ti lai lo. (Isaiah 65:17) Huatnak vialte a dongh tikah mi nih “him tein an um lai i daihnak kha tlamtling tein an hmuh lai.”—Salm 37:11.

Mah bantuk vawlei ah um na duh maw? Atu hmanhin mi tampi nih Baibal phunglam zulhnak thawngin huatnak donghter khawh ning kha an cawn. (Salm 37:8) Vawleicung pumpi ah a ummi Jehovah Tehte Hna nih cutin an tuah. Annih cu an nunphung le an hnulei sining hna an i khat lo nain chungkhar bantukin lungrual tein an um i pakhat le pakhat an i daw.—Isaiah 2:2-4.

Jehovah Tehte Hna nih dinlonak le thleidannak hna tawnghtham khawh ning kong kha midang sinah chim an duh. Na cawnmi kong nih huatnak na ngeihmi kha hloh awk le dawtnak ngeih awkah aan bawmh khawh. Cun lawmh a hngal lomi asiloah huatnak a ngeimi hna hmanh i telin mikip cungah dawtnak langhter khawh ning kha na cawn khawh. Mah tikah atu hmanhah na hun i nuam deuh lai i midang he nan i pehtlaihnak zong a ṭha deuh lai. A bik in zungzal ca in huatnak a dongh lai caan, Pathian Pennak tangah um awkah na tuah khawhmi kong zong na hngalh lai.—Salm 37:29.