Kan pawngkam ah a ummi, minung tampi cu tirawl le umnak inn an herh. Mi cheukhat cu hmailei caah ruahchannak ngeih an herh. Cu bantuk mi hna nih Pathian mithmai ṭha le thluachuah an hmuh khawh nakhnga zeitindah kan bawmh khawh hna?

“Misifak cungah zaangfahnak na ngeih ahcun BAWIPA kha chaw na coih bantuk a si. BAWIPA nih tling tein aan cham lai.”—PHUNGTHLUKBIA 19:17.

Jesuh nih damiah nih thi deng in an velh i an kaltak mipa pakhat kong kha a chim. (Luka 10:29-37) Bawmh a hmangmi mising pakhat cu a dir i fakpi in hma a pumi pa kha a zohkhenh. An miphun cu aa khat lo nain cutin a rak tuah.

Mah zaangfahnak a ngeimi pa nih hma a pumi pa kha siilei le a herhmi thil a bawmh lawng si loin a hnemh i a hma a dam ṭhan nakhnga a sinah a rak i kalpi.

Mah kong in zeidah kan cawn khawh? Jesuh nih bawmh a herhmi hna kha kan tuah kawhmi lam paoh in kan bawmh hna awk a si ti kha a rak langhter. (Phungthlukbia 14:31) Baibal nih a rauhhlan ah Pathian nih sifah harnak vialte a donghter dih cang lai tiah a kan cawnpiak. Pathian nih zeitikah le zeitindah a donghter lai? A hnu capar ah dawtnak a ngeimi Sertu nih na caah aan chiahpiakmi thluachuah kong kha kan i ruah hna lai.