Na Hmailei Kong He Aa Tlaiin Naa Thim Khawh
A luancia kum 3,500 hrawngah Jehovah Pathian nih amah a biami hna sinah a himmi hmailei hmuh awkah an tuah awk a simi kong kha hitin a chim: ‘Nannih hmaiah nunnak le thihnak, thluachuahnak le chiatserhnak ka chiah. Cucaah nunnak kha i thim tuah u, nanmah le nan tefa hna nih nan nun nakhnga.’—Deuteronomi 30:19.
A ṭha tukmi hmailei hmuh awkah annih nih a hmaanmi thimnak an tuah a hau. Tuchan zongah cu bantuk thimnak kha kan tuah a hau ve. Baibal nih a himmi hmailei hmuh khawh ning kong kha hitin a fianter: “BAWIPA nan Pathian kha daw u law, a aw kha ngai u.”—Deuteronomi 30:20.
ZEITINDAH JEHOVAH KHA KAN DAWT KHAWH I A AW KHA KAN NGAIH KHAWH?
BAIBAL IN NA CAWN KHAWHMI: Jehovah dawt khawh awkah Baibal in a kong na cawn hmasa a hau. Cutin na tuah ahcun na caah ṭhatnak aan duhpiakmi, dawtnak a ngeimi Pathian a si kha na hngalh lai. “Amah nih aan zohkhenh hna caah” a sinah thlacam dingin aan sawm hna. (1 Peter 5:7) Baibal nih amah naih awkah nan i zuam ahcun “aan naih ve hna lai” tiah bia a kan kamh.—Jeim 4:8.
NA HNGALHMI NINGIN ZUL: Pathian bia ngaih timi cu Baibal ah a ummi lamhruainak zulh kha a chim duhmi a si. Cutin na tuah ahcun “na lam kha na tluanter lai i khi tikah khua awng na tong lai.”—Joshua 1:8.
^ cat. 7 Nai ah Mandarin le Cantonese Chinese i telin holh phun pasarih in hmuh khawh a si cang.
Mah Kong Hna Zong Hi Na Duh Khawh Men
VENNAK INNSANG
Na Hmailei, Naa Thimmi!
Mi cheukhat nih an nunnak cu a hlankan in khaukhih cia a si tiah an zumh. Asinain mah cu a hmaan maw?
