2012, September 5, Nithum ni zing ah Jehovah Tehte Hna i Uktu Bu ah mithar pakhat aa chap tiah United States le Canada Bethel ah thawng an thanh. Unaupa Mark Sanderson nih mah rian kha 2012, September 1 in a ṭuan cang.

Unaupa Sanderson cu U.S.A., California, San Diego ah zumtu a simi nulepa kut tang ah a ṭhangmi a si i 1975, February 9 ah tipil a ing. 1983, September 1 thawk in Canada, Saskatchewan ah hmaikal a ṭuan. United States ah tuahmi a voisarihnak Bu Rian Cawnpiaknak Sianginn (atu ah Nupi a Ngei Lomi Unaupa pawl caah Baibal Tinṭan tiah auh a si) kha a kai i 1990, December ah a dih. 1991, April ah Canada, Newfoundland tikulh ah special hmaikal rian an pek. Cun khualtlawng rianṭuantu a bawmtu rian a ṭuan hnu, 1997, February thla ah Canada Bethel ah an auh. 2000, November thla ah United States zung ṭengnge ah an ṭhial i Siizung lei Rianṭuannak ah a ṭuan, a hnuah Rianṭuannak Department ah a ṭuan.

Unaupa Sanderson cu 2008, September thla ah Zung Ṭengnge Kawmiṭi Chungtel pawl ca Sianginn kha a kai i mah hnuah Philippine Zung Ṭengnge Kawmiṭi chungtel rian an pek. 2010, September thla ah United States ah an auh ṭhan i Uktu Bu i Rianṭuannak Kawmiṭi ah bawmtu rian a ṭuan.