Vennak Innsang cauk thar na kau tikah midang kha voi zeizat dah cutin na ti bal hna? Cu bantuk aa dawhmi hmanthlak timhtuahnak caah a caan le thazaang tampi a dih i tinhnak ngei in mekazin chungah an cuantermi a si. Mah nih kan lung a kan suk i kan i cawn khawhmi kong kha ruah awkah a kan bawmh. A bik in Vennak Innsang Cawnnak ca ka i timh tik le a phi kan pek tikah a kan bawmh.

Tahchunhnak ah, capar pakhat naa timh fate a biatlangpi pawng ah a ummi a hramthawknak hmanthlak kong kha ruat. Zeidah a langhter duhmi a si? Zei ruangah dah mah hi telh a si? Mah cu a biatlangpi le a bik in lakmi Baibal cang he zeitindah aa pehtlaih? Cun a dang hmanthlak pawl nih tah mah capar kha hngalhthiam awkah zeitindah a ka bawmh ti le ka nunnak ah zeitindah ka hman khawh ti kha ruat.

Vennak Innsang Cawnnak a tlaitu nih hmanthlak he aa tlaiin unau pawl kha a phi a pekter hna awk a si. Cun cawnmi capar le hmanthlak aa pehtlaih ning le an hmuh ning zong kha a phi a pekter hna awk a si. A caan ah hmanthlak ca pawng ah aa pehtlaimi catlangbu nambar ṭial chih a si. Mah nih Vennak Innsang Cawnnak a tlaitu kha zeitik ah dah hmanthlak i ruah ding a si kha a hngalhter. Asinain catlangbu nambar aa ṭial lo ahcun zeitik ah dah i ruah ding ti kha amah tein bia a khiah khawh. Cuticun Baibal chung in kan i cawn khawhmi kha mitthlam cuanter awkah a kan bawmmi hmanthlak in ṭhatnak kan hmu kho lai.

Hmanthlak nih capar kha sullam a ngeihter chin i rel a ka duhter chin tiah unaupa pakhat nih a chim.