Jesuh Thawhṭhannak—Kan caah Zei Sullam dah a Ngeih?
“Amah cu . . . a tho cang.”—MATT. 28:6.
1, 2. (a) Biaknaklei hruaitu cheukhat nih zeidah hngalh an duh, Piter nih zeitindah a leh hna? (A hramthawknak hmanthlak zoh.) (b) Piter nih zeicah ralṭha tein bia a chim khawh?
JESUH a thih hnu zarh tlawmpal ah lamkaltu Piter cu ṭih a nungmi Judah biaknaklei hruaitu phu khat he an i tong. Mah hna cu Jesuh thah awkah a thli tein khua a rak khangmi kha an si. Atu ah Piter nih lam a kal kho lomi pa kha a damter caah a cungah an thin a hung. Piter kha ‘mah hihi zeitindah na tuah? Zei ṭhawnnak dah na ngeih? Aho min dah na hman?’ tiah an hal. Mah tikah Piter nih hitin ralṭha tein a leh hna: “Hi pa dam hirhiar tein nan hmaiah a dir khawhnak cu Nazareth khuami Jesuh Khrih, nannih nih nan thah i Pathian nih thihnak in a thawhter ṭhanmi a min ṭhawnnak thawngin a si.”—Lam. 4:5-10.
2 Mah hlan deuh ah Piter cu ṭihnak a ngeih caah Jesuh kha voithum tiang a rak hlawt. (Mar. 14:66-72) Asinain atu ah cun ṭihnak ngei ti loin biaknaklei hruaitu hna hmaiah ralṭha tein a dir. Zeicah? Thiang thlarau bawmhnak a hmuh lengah Jesuh cu a nung ti kha a zumh caah a si. Lamkaltu Piter nih zeicah cu tlukin a zumh? Kannih tah zeicah cu bantuk zumhnak kan ngeih khawh?
3, 4. (a) Jesuh lamkaltu pawl an chuah hlanah zei thawhṭhannak hna dah a rak um? (b) Jesuh nih ahote dah a thawhter ṭhan hna?
1 Si. 17:17-24; 2 Si. 4:32-37) Mithi ruak pakhat cu Elisha ruh a umnak thlan ah an thlak i Elisha ruh he aa tongh tikah mah pa cu a nung ṭhan. (2 Si. 13:20, 21) Baibal cu a hmaan ti kan zumh bantukin a hmasa Khrihfa hna zong nih mah kong pawl kha an rak zumh ve.
3 Lamkaltu hna nih mithi cu an nung kho ṭhan ti kha an hngalh. Lamkaltu hna an chuah hlanah Pathian nih profet Elijah le Elisha kha mithi thawhter khawhnak ṭhawnnak a rak pek hna. (Jesuh nih mithi a thawhter ṭhanmi hna kong kan rel tikah kan lung a kan suk tuk
4 Jesuh nih mithi a thawhter ṭhanmi hna kong na rel tikah na lung aan suk tuk ko lai. Tahchunhnak ah, nuhmeinu cu Jesuh nih a fapa ngeihchunhte a thawhter tikah zeitlukin dah a khuaruah a har lai khi ruathmanh. (Luka 7:11-15) Jesuh nih ngakchianu a thawhter ṭhanmi kong zong kha ruathmanh. A ngaih a chia tukmi a nu le a pa cu an fanu a nun ṭhanmi an hmuh tikah an i lawm tuk lai ti cu a fiang ko. (Luka 8:49-56) Cun a thoṭhanmi Lazaruh a thlan in a rak chuahmi an hmuh tikah mi cu zeitlukin dah an i nuamh lai khi ruathmanh.—Johan 11:38-44.
Jesuh Thawhṭhannak aa Thleidannak a Ruang
5. Jesuh thawhṭhannak cu mah hlan i a ummi thawhṭhannak hna he zeitindah aa dan?
5 Lamkaltu hna nih Jesuh thawhṭhannak cu mah hlanah a ummi thawhṭhannak vialte he aa thleidang ti kha an hngalh. Hlanah a thoṭhanmi hna cu minung pum in an thawhṭhanmi a si i a hnuah an thi ṭhan. Jesuh tu cu zeitikhmanh ah hrawh khawh lomi thlarau pum in a thawhṭhanmi a si. (Lamkaltu 13:34 rel.) Jesuh cu “pum cun thihnak a huat, sihmanhsehlaw thlarau cun a nung” tiah Piter nih a ṭial. Cun “amah cu vancung ah a kai i Pathian orhlei kamah a um i vancungmi vialte le vancung nawlngeihnak vialte le ṭhawnnak vialte kha a uk dih hna.” (1 Pit. 3:18-22) A dang thawhṭhannak hna cu khuaruahhar tuk an si ko nain Jesuh thawhṭhannak cu khuaruahhar a si bikmi thil a si.
6. Jesuh thawhṭhannak nih zultu hna kha zeitindah ṭhatnak a pek hna?
6 Jesuh thawhṭhannak nih zultu hna kha ṭhatnak a pek hna. Jesuh cu a ral pawl nih an ruah bantukin a thimi a si ti lo. A ṭhawngmi thlarau pum in a nung cang i zei bantuk minung hmanh nih harnak
an pe kho ti lo. A thawhṭhanmi nih Pathian Fapa a si kha a langhter. Zultu hna nih Jesuh cu a nung ti kha an hngalh caah an ngaih a chia ti lo i ṭihnak an ngei ti lo. Mah canah lungthawhnak le zumhnak tu an ngei. Jesuh cu rak thoṭhan hlah sehlaw Pathian tinhnak cu a tling lai lo i zultu pawl nih an chimmi thawngṭha cu sullam ngei lo a si lai.7. Atu ah Jesuh cu zeidah a tuah, zei biahalnak hna dah a chuak?
7 Jesuh cu a liannganmi minung sawhsawh lawng a si lo ti kha kan hngalh. Jesuh cu a nung i vawleicung pumpi phungchim rian kha a tlangtlak. Cun vancung i Pathian Pennak Siangpahrang zong a si. Mah Pennak nih a rauhhlan ah vawleicung i ṭhatlonak vialte kha a hrawh lai i vawlei kha minung nih zungzal in um khawhnak paradis ah a canter lai. (Luka 23:43) Jesuh hi rak thoṭhan hlah sehlaw mah thil hna cu a cang kho lai lo. Cu a si ah Jesuh cu thihnak in a thoṭhan ti kha zeicah kan zumh khawh? A thawhṭhanmi cu kan caah zei sullam dah a ngeih?
Jesuh cu rak thoṭhan hlah sehlaw Pathian tinhnak cu a tling lai lo i thawngṭha cu sullam ngei lo a si lai
Thihnak a Tei khomi Jehovah Ṭhawnnak
8, 9. (a) Jesuh thlan kha cawngh awkah Judah biaknaklei hruaitu hna nih zeicah an hal? (b) Thlan ah nu pawl an kal tikah zeidah a cang?
8 Jesuh thah a si hnuah Judah biaknaklei hruaitu hna cu Pilat sinah an ra i hitin an ti: “Bawipa, hi milihchim pa nih hin a nun lioah, ‘Nithum hnuah thawhter ka si ṭhan lai,’ a rak ti kha kan hngalh. Cucaah cun thlan kha nithum tiang ṭha tein cawng hna seh; cuti a si lo ahcun, a zultu hna nih khan an va kal riangmang lai i a ruak kha an va fir lai i, thihnak in thawhter a si cang, tiah mi kha an chimh ko hna lai i a donghnak i a kan hlennak hi a hmasa i a kan hlennak nakkhan a chia deuh sual lai.” Mah tikah Pilat nih “Ralvengtu nan ngeih ko hna kha ta. Va kal u law a him khawh chung him in va tuah ko ngat u” tiah a ti hna. Judah biaknaklei hruaitu hna nih cutin an tuah taktak.—Matt. 27:62-66.
9 Jesuh cu lung nganpi an cawhmi thlan chungah an vui i a kua kha lung nganpi in an khar. Biaknaklei hruaitu hna nih Jesuh kha cuka thlan ah um zungzal seh ti an duh. Asinain Jehovah nih cun mah kha a duh hrimhrim lo. Nithum a rauh hnuah zultu pahnih a simi Mari Magdalin le a dang Mari cu thlan ah an kal. An phanh tikah thlankhar aa thawnmi le a cungah vancungmi a ṭhutmi kha an hmuh. Vancungmi nih nu pahnih kha thlan ah zeihmanh a um ti lo tiah a ti hna i a zohter hna. Cun ‘amah cu hika ah hin a um ti lo, a tho cang’ tiah a ti hna. (Matt. 28:1-6) Jesuh cu a nung ṭhan cang.
10. Jesuh cu a thoṭhan taktak ti kha Paul nih zeitindah a langhter?
10 Mah hnu ni 40 chung i a cangmi thil nih Jesuh cu a thoṭhan taktak ti kha fiang tein a langhter. Lamkaltu Paul nih Korin khuami hna sinah hitin ca a ṭial: “Ka rak hmuhmi kha nannih kaan pek chin hna i cucu a biapi ngaingaimi a si. Cucu zeidah a si tiah, Cathiang chungah a rak i ṭial bang khan Khrih cu kan sualnak caah a thi; cun Cathiang chung ṭhiamṭhiam ah a 1 Kor. 15:3-8.
ṭial rih bantukin, an vui i nithumnak ni ah a thoṭhan; cun Piter sinah khan a lang i lamkaltu hleihnih an dihlak sinah khan a lang fawn, cun a zultu zanga ring lo sinah khan voikhatte ah a lang i a cheu cu an thi cang nain a tam deuh cu an nung rih; cun Jeim sinah khan a lang i lamkaltu dihlak sinah khan a lang. A hmanung bik ah ka sinah a lang ve. Cuti a langh cu hawi hrin kel ningin hrin si lo khi a lo.”—Jesuh cu a Thoṭhan ti Kan Hngalhnak a Ruang Pali
11. Jesuh thawhṭhannak cu zeitindah “Cathiang chungah a rak i ṭial bang khan” a si?
11 Jesuh thawhṭhannak cu “Cathiang chungah a rak i ṭial bang khan” a si. Jesuh cu a thoṭhan lai tiah Baibal nih a rak chimchung. Tahchunhnak ah, David nih Pathian cung i ‘zumhawktlak tein a ummi’ cu thlan ah kaltak a si lai lo tiah a ṭial. (Salm 16:10, NW, rel.) * AD 33, Pentekos ni ah Piter nih ‘zumhawktlak tein a ummi’ cu Jesuh a si kha mah bia a chimmi in a langhter: “David nih cun Pathian nih zeidah a tuah lai ti kha a rak hmuh i cucaah, ‘Amah cu mithi khua ah a kaltak lo, a titsa cu thutnak a hmu lo,’ tiah a rak ti tikah hin, Messiah a thawhṭhan lainak kong kha a chimmi cu a si.”—Lam. 2:23-26, 27, NW, 31.
12. A thoṭhanmi Jesuh kha ahote nih dah an hmuh?
12 A thoṭhanmi Jesuh kha mi tampi nih an hmuh. Jesuh cu a thawhṭhan hnu ni 40 chungah a thlan pawng i dum ah, Emmaus khua kalnak lam ah le hmun dangdang ah a zultu hna sinah a lang. (Luka 24:13-15) Piter telin mi pakhat cio kha bia a ruah hna bantukin mibu zong kha bia a ruah hna. Voikhat cu mi 500 ring lo sinah a lang. A thoṭhanmi Jesuh a hmumi mi tampi an um timi kha zeirel loin um khawh a si lo.
13. Zultu pawl an lungthawhnak nih Jesuh a thoṭhan ti an zumh kha zeitindah a langhter?
13 Zultu hna nih Jesuh thawhṭhannak kong kha lungtho tein an chim. Phung an chim caah hremnak le harnak an tong i cheukhat cu thahnak hmanh an tong. Mah hi ruathmanh: Jesuh hi rak thoṭhan hlah sehlaw Piter nih a nunnak hmanh kha biapi ah chia loin Jesuh a huami le thah awkah khua a khangmi hna sinah a thawhṭhannak kong kha a chim hnga maw? Piter le a dang zultu hna nih Jesuh cu a nung i phungchim rian kha a tlangtlak ti an zumh. Jesuh thawhṭhannak nih a zultu hna kha kan thoṭhan ve lai timi a fekmi ruahchannak a ngeihter hna. Tahchunhnak ah, Steven cu ka thoṭhan lai ti zumh buin a thi.—Lam. 7:55-60.
14. Jesuh cu a nung ti kha zeicah na zumh?
14 Jesuh cu atu ah Siangpahrang a si cang ti le Khrihfabu Lu in rian a ṭuan ti a langhtermi thil kan ngei. A hmaanmi Khrihfa hna cu kan karh chin thluahmah. Jesuh hi rak thoṭhan hlah sehlaw cutin a si kho hnga maw? Jesuh hi thoṭhan hlah sehlaw Jesuh kong kha a thei hmanh kan thei bal theng hnga lo. Asinain Jesuh cu a nung i vawleicung pumpi phungchim rian a tlangtlak ti zumh khawh a sinak a ruang ṭha kan ngei.
Jesuh Thawhṭhannak cu Kan caah Zei Sullam dah a Ngeih?
15. Khrih thawhṭhannak nih zeicah phungchim awkah ralṭhatnak a kan ngeihter?
15 Khrih thawhṭhannak nih phungchim awkah ralṭhatnak a kan ngeihter. Jesuh chan thawkin Pathian ral hna Isa. 54:17) Satan nih a hmanmi hna kha kan ṭih hna lo. Jesuh nih bia aa kam bantukin a kan bawmh taktak. (Matt. 28:20) Kan ral hna nih zei an tuah hmanhah phungchim rian kha an ngolter khawh lai lo caah ralṭhatnak kan ngei kho.
nih zumhpialnak, nihsawhnak, zaangennak, khenkhamnak, hremnak le thahnak ti bantuk kha hmangin phungchim rian ngolter awkah an i zuam. Asinain “sermi hriamnam zeihmanh nih khan nangmah cu aan pem kho lai lo” tiah Baibal nih a chimchung. (16, 17. (a) Jesuh thawhṭhannak nih a chimmi bia vialte a hmaan ti kha zeitindah a langhter? (b) Johan 11:25 ningin Pathian nih Jesuh kha zei ṭhawnnak dah a pek?
16 Jesuh thawhṭhannak nih a chimmi bia vialte cu a hmaan ti kha a langhter. Baibal lei mifim pakhat nih Khrih hi thoṭhan hlah sehlaw Khrihfa hna cu hlen cikcek a simi mihrut an si hnga tiah a ṭial. Paul nih Jesuh hi thoṭhan hlah sehlaw phungchimnak le Khrihfa zumhnak hi man ngei lo a si lai tiah a ṭial. Cutin hei si sehlaw Thawngṭha cauk cu a ral hna nih an thahmi miṭha le mifim pakhat kong ngaihchiat awk tuanbia men lawng a si hnga. Asinain Jesuh cu a thoṭhan i mah nih a chimmi bia vialte cu a hmaan ti kha a langhter.—1 Korin 15:14, 15, 20 rel.
17 Jesuh nih hitin a chim: “Keimah hi thawhṭhannak le nunnak cu ka si. Keimah a ka zummi paoh cu a thih hmanh thi sehlaw a nung ṭhan lai.” (Johan 11:25) Mah Jesuh biakam cu a tling hrimhrim lai. Jehovah nih Jesuh kha vancung ah uktu a ṭuan hngami hna le vawleicung ah a um hngami mi nuai tampi kha thawhter awkah ṭhawnnak a pek. Jesuh raithawinak le thawhṭhannak nih thihnak a um ti lai lo tiah aamah a khaan. Cucaah zei bantuk harnak paoh kha kan inkhawh i thihnak hmanh kha ralṭha tein kan in ngam.
18. Jesuh thawhṭhannak nih zeidah a kan zumhter?
18 Jesuh thawhṭhannak nih mi cu Jehovah i dawtnak a ngeimi phunglam ningin biaceih an si lai ti kha a kan zumhter. Paul nih Athens khua i phu pakhat kha hitin a ti hna: “[Pathian nih] a thimmipa thawngin vawleicung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter.” (Lam. 17:31) Pathian nih kanmah Biaceihtu ah Jesuh kha a thim i Jesuh nih ding tein le dawtnak in bia a ceih lai ti kha kan zumh khawh.—Isaiah 11:2-4 rel.
Thawhṭhannak ruahchannak kha kan sunsak i Jehovah nawl ngaih awkah timhcia kan si zungzal
19. Khrih cu a thoṭhan ti kan zumhmi nih zeitindah ṭhatnak a kan pek?
19 Jesuh cu a thoṭhan ti kha kan zumh caah Pathian duhnak tuah kan duh. Jesuh nih a nunnak rak pe hlah sehlaw, cun rak thoṭhan hlah sehlaw sualnak le thihnak tangah kan um rih ko lai. (Rom 5:12; 6:23) Ruahchannak kan ngei lai lo i “thaizing ah pei kan thih ko lai cu, ei in ding ko ngat u sih” tiah kan ti men lai. (1 Kor. 15:32) Asinain Jesuh cu a thoṭhan ti kan zumh caah nun nuamhnak kha biapi ah kan chia lo. Thawhṭhannak ruahchannak kha kan sunsak i Jehovah nawl ngaih awkah timhcia kan si zungzal.
20. Jesuh thawhṭhannak nih Jehovah lianngannak kha zeitindah a langhter?
20 Jesuh thawhṭhannak nih ‘amah a kawlmi laksawng a Petu,’ Jehovah lianngannak kha a langhter. (Heb. 11:6) Jehovah nih Jesuh kha a thi kho lomi nunnak in thawhter awkah a ṭhawnnak le a fimnak kha a hman. Pathian nih a biakam tlinter khawhnak ṭhawnnak a ngeih zong kha a langhter. Van le vawlei i cungnung bik aho dah a si timi buaibainak kha “tefa” nih a tawnghtham lai tiah Jehovah nih bia aa kam. Mah biakam a tlin nakhnga “tefa” a simi Jesuh cu a thih le a thawhṭhan a hau.—Gen. 3:15.
21. Thawhṭhannak ruahchannak cu na caah zei sullam dah a ngeih?
21 Thawhṭhannak ruahchannak caah Jehovah cungah kan i lawm tuk. Baibal nih hitin bia aa kam: “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai. An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang.” Mah biakam cu lamkaltu Johan sinah pekmi a si i hitin ti a si: “Hi bia hi ṭial hna, zeicahtiah a hmaanmi le zumhawktlak a simi bia an si.” Mah biakam kha aho nih dah Johan a pek? A thoṭhanmi Jesuh Khrih nih a pekmi a si.—Biat. 1:1; 21:3-5.
[A Tanglei Fianternak]
^ cat. 11 Salm 16:10 (NW): “Thlan ah na ka kaltak lai lo. Na cungah zumhawktlak tein a ummi kha thlan khor na hmuhter lai lo.”