UKTU Bu nih 1992 thawkin an kawmaṭi pawl bawmtu dingah hmuhtonnak a ngeimi Khrihfa upa hna kha rian an pek hna. * “Tuu dang” a simi mah bawmtu hna nih Uktu Bu kha ṭha tein an bawmh hna. (Johan 10:16) Rian pek an sinak kawmiṭi ah zarh fatin meeting an kai. An rian cu a herhmi a konglam hna timhtuah in ruahnak cheuhnak pek kha a si. Hmanung bik biakhiahnak cu Uktu Bu chungtel hna nih an tuah. Mah hnuah biakhiahnak an tuahmi ningin ṭuan awkah bawmtu hna nih an tlangtlak. Mah unaupa hna nih an hmuhmi zei rian paoh kha lungtho tein an ṭuan. Uktu Bu chungtel hna he special civui le ramkomh civui hna ah an kalṭi. Zungpi aiawhtu in zung ṭengnge hna va tlawn awk zongah rian pek an si.

1992 thawkin bawmtu rian a ṭuanmi unaupa pakhat nih hitin a chim: “Ka hmuhmi rian kha ṭha tein ka ṭuan tikah Uktu Bu nih thlaraulei ah tling tein an lungthin an pek khawh deuh.” Kum 20 chung bawmtu rian a ṭuanmi a dang unaupa pakhat zong nih hitin a ti: “Kaa ruahchan khawhmi tinvo sung hna lakah mah hi a sunglawi bikmi a si.”

Uktu Bu nih bawmtu hna kha rian tampi an pek hna. Mah zumhfekmi unaupa hna an i zuamnak kha Uktu Bu nih an sunsak tuk. Kan dihlak in ‘cu bantuk mi kha hmaizah hna u’ sih.—Fil. 2:29.