A PHAW CAPAR | Jehovah Tehte Hna cu Ahote dah an Si?
Zeicah Phung Kan Chim?
Innkhat hnu innkhat, zapi lakah le khoika hmun paohah phung kan chim caah ahote dah kan si ti kha mi nih an kan hngalh. Zeicah cutin phung kan chim?
Pathian thangṭhat awk le a min mi nih an hngalh nakhnga bawmh awkah Jehovah Tehte Hna nih phung kan chimmi a si. (Hebru 13:15) Mah lengah “khuazakip ah va kal u law miphun vialte kha ka zultu ah va ser hna u; . . . kaan fialmi vialte hna hi an zulh nakhnga va cawnpiak hna u” timi Jesuh pekmi nawlbia kha zulh kan duh ca zongah a si.—Matthai 28:19, 20.
Innpa kan dawt hna ca zongah phung kan chimmi a si. (Matthai 22:39) Mi tam deuh cu biaknak a ngei cangmi an si caah kan chimmi thawngṭha kha mikip nih an cohlan lai lo ti kha kan hngalh. Asinain Baibal cawnpiaknak nih mi nunnak a khamh khawh tiah kan zumh. Cucaah kumzabu pakhatnak i Khrihfa hna bantukin ‘nifate in thawngṭha kha kan chim’ lengmang.—Lamkaltu 5:41, 42.
Kan cauk pawl a relmi tam deuh cu Jehovah Tehte an si lo. Kanmah he Baibal a hlathlaimi mi nuai tampi cu biaknak dang an si. Asinain Jehovah Tehte Hna nih kan lenmi hna kha an i lawm.
Jehovah Tehte Hna he aa tlaiin hal na duhmi a um men ko lai. A phi hngalh awkah
-
Jehovah Tehte pakhatkhat kha na hal khawh.
-
www.pr418.com website ah lut.
-
Man loin ahopaoh i pumh khawhnak kan biakinn ah rak i pum.
[Cahmai 7nak i a tawinak in langhternak]
Nunphung hlathlaitu Antonio Cova Maduro nih hitin a ṭial: “Vawleicung pumpi ah thawngṭha a phanh khawh nakhnga . . . Jehovah Tehte Hna nih fakpi in an i zuam i phung an chim.” —El Universal thanhca, Venezuela
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna nih kanmah lawng khamhnak kan hmu lai tiah nan ruat maw?
Baibal nih ahote dah khamhnak hmuh ding caanṭha an hmuh lai kha a chim.
ATU LE ATU AN HALMI BIAHALNAK
Jehovah Tehte Hna nih Nu Phungchimtu Nan Ngei hna Maw?
Jehovah Tehte nu hna nih vawlei pumpi phungchimnak rian ah zeiti lam in dah an i tel?
ATU LE ATU AN HALMI BIAHALNAK
Jehovah Tehte Hna nih Biaknak Dang kha Nan Upat Hna Maw?
Mi upatnak nih a hmaanmi Khrihfa an si zeitindah a langhter ti kha hngalh i zuam.
