A PHAW CAPAR | Jehovah Tehte Hna cu Ahote dah an Si?
Jehovah Tehte Hna nih Zeidah an Zumh?
Jehovah Tehte Hna nih “Cathiang hi a dihlak in Pathian thaw chuah hnawhmi a si i . . . a ṭhahnemmi a si” tiah kan zumh. (2 Timote 3:16) Sertu kong hngalhnak caah le sullam ngei tein kan nun khawh nakhnga caah lam a kan hruaitu in Baibal kha kan hman.
Baibal nih hitin a ti: “Nangmah lawnglawng hi BAWIPA na si le vawlei dihlak uktu Cungnung Bik na si kha hngal hna seh!” (Salm 83:18) Cucaah Jehovah Pathian lawnglawng kha kan biak. Cun a tehte kan si caah Jehovah a min kha mi nih an hngalh nakhnga fakpi in kan i zuam.—Isaiah 43:10-12.
Jehovah Tehte a simi nih a tanglei mah a kong hna hi kan zumh. Jesuh cu vawlei ah a rung ṭummi “Pathian Fapa” * Messiah kha a si. (Johan 1:34, 41; 4:25, 26) Jesuh cu a thih hnuah van ah a kai. (1 Korin 15:3, 4) Mah hnuah Pathian Pennak Siangpahrang a hung si. (Biathlam 11:15) Mah Pennak lawng hi a hmaanmi cozah a si i a rauhhlan ah vawlei hi paradis ah a ser cang lai. (Daniel 2:44) “Mi toi ah aa dormi cu ram [vawlei, NW] chungah hin him tein an um lai i daihnak kha tlamtling tein an hmuh lai” tiah Baibal nih a ti.—Salm 37:11, 29.
“Baibal an rel tikah Pathian he kan i chawnbia tiah an zumh. An nunnak ah buaibainak hna an ton tikah tawnghthamning kha Baibal ah an kawl. . . . Pathian Bia cu an caah a biapi tukmi a si rih.”
—Catholic siangbawi Benjamin Cherayath, Münsterländische Volkszeitung thanhca, Germany
Jehovah Tehte Hna nih Baibal lamhruainak hna cu atu tiang hman awkah aa tlakmi a si tiah an zumh. (Isaiah 48:17, 18) Cucaah Baibal lamhruainak kha kan si khawh chungin kan zulh. Tahchunhnak ah, kan lungthin le kan pum a thurhnawmhtertu ziaza le thil hna hrial awkah Baibal nih ralrin a kan pek. Cucaah kuak kan zu lo i ritnak sii kha ningcang loin kan hmang lo. (2 Korin 7:1) A hleiin zurit, nupa sualnak tuah le fir ti bantuk Baibal nih a kan thlauhmi thil hna tuah kha kan hrial.—1 Korin 6:9-11.
^ cat. 5 Jesuh lawnglawng hi Jehovah Pathian nih dairek in a sermi le a ser hmasa bikmi a si caah “Pathian Fapa ngeihchun” a si ti zongin Baibal nih a ti.—Johan 3:18; Kolose 1:13-15.
Mah Kong Hna Zong Hi Na Duh Khawh Men
ATU LE ATU AN HALMI BIAHALNAK
Jehovah Tehte Hna Nih Zeidah An Zumh?
A hrampi kan zumhnak hna lakah 15 kong kha hlathlai.
ATU LE ATU AN HALMI BIAHALNAK
Jehovah Tehte Hna nih An Biaknak kha a Hmaan tiah An Zum Maw?
Jesuh nih khamhnak a hmuhtermi lam tampi a um tiah a ti maw?
ESSENTIAL BIBLE TEACHINGS
Pathian Cu Min A Ngei Maw?
Pathian nih Lianngan Bik, Sertu le Bawipa ti bantuk upatnak min a phunphun a ngei. Asinain Baibal chungah Pathian min 7,000 hrawng hman a si.
