Baibal Cawnpiakmi
Vawleicung ah dinnak taktak a um kho lai maw?
Zeitindah na ruah?
Um kho
Um kho lo
Um kho men
Baibal Cawnpiakmi
“BAWIPA, nangmah nih misifak cu na ṭanpi hna i mirethei cu an hmuh awk hnga a simi kha na hmuhter hna, ti kha ka hngalh.” (Salm 140:12) Pathian Pennak nih vawleicung ah dinnak taktak a umter lai.
Baibal in kan cawn khawh rihmi
Pathian nih vawleicung ah atu kan tonmi dinlonak hna kha a hmuh i a remh lai.—Phungchimtu 5:8.
Pathian dinnak ruangah vawleicung ah daihnak le himnak a um lai.—Isaiah 32:16-18.
Pathian nih miphun pakhat kha a dang nakin mithmai ṭha a pe deuh maw?
Mi cheukhat zumhning
Pathian nih miphun cheukhat kha thluachuah a pek hna i cheukhat kha chiat a serh hna tiah an zumh. Pathian nih mi vialte kha aa ruang tein a pehtlaih hna tiah a zummi zong an um. Nang tah zeitindah na ruah?
Baibal cawnpiakmi
“Pathian nih mi vialte kha aa ruang tein a zoh hna ti kha ka hngalh. Mi zei miphun chungmi hmanh a si ah, amah a ṭihmi paoh le dinnak a tuahmi paoh cu a cohlan ko hna.” (Lamkaltu 10:34, 35) Pathian hmuhnak ah mi vialte cu an i khat dih.
Baibal in kan cawn khawh rihmi
Baibal ah “vawleicung mi vialte, phun kip, ram kip, holh kip le mi kip” caah “thawngṭha” a um.—Biathlam 14:6.
