1. Jehovah sinin kan cawnmi dawtnak nih

Lam hmuhsak, a kan hruai.

A tuahmi kip ah zohchunhawk dawtnak lang,

Biachimnak le tuahsernak ah.

Kan caah a pek, a dawt bik a Fapa;

Kan sualnak khuhnak le ngaihthiamnak caah.

Dawtnak langhternak—a ngan bikmi a si!

Pathian lam cu dawtnak lam a si.

2. Pathian lam zulh tik, unau kan dawt hnanak

A hmaan lai, a fek lai;

Kan lung a thawhter, khat le khat i bawmh awk

Mihlun mithar, upa mino.

Pathian le unau cung dawtnak hmaan langhter,

Mikip kan herh hna, ahohmanh hlaw loin.

Kan hawile palhnak, dawtnak hmaan in kan khuh,

Dawtnak langhter, Kan unau dawtnak.

3. Lungrual tein chungkhar bangin i dawt awk

Dawtnak nih a kan forh.

Vancung kan Pa nih lunglawm te’n a kan sawm:

“Lungrualnak hi rak tep chunh u.”

Tehte kan si hna, dawtnak langhternak ah.

Baibal le thiang thlarau hmangin a kan thenh.

Unau le hawikom nih ralrin a kan pek,

Jehovah lawng hi dawtnak a si.