1. Maw Jehovah, ṭhatnak Pathian,

Nun chung thluachuah na kan pek.

A thiang i zumhawk a tlakmi,

Na phunglam vialte a ṭha.

Zaangfahnak le ṭhatnak langhter,

Kan i phut lo leng tiangin;

Biak awkah aa tlakmi na si,

Lunglawm in na rian kan ṭuan.

2. Na ṭhatnak vialte cu a lang,

Na thimmi miphun sinah.

Thawngṭha chimnak le tuahsernak

In an langhter, na sining.

Na cawnpiaknak le lamhruainak

Nih ṭhatnak tampi chuahter.

Na thiang thlarau rak kan pe law,

Ṭhatnak in lam kan hruai ko.

3. Unau pawl kha thluachuah pe hna,

Thilṭha an tuahnak kip ah.

A hleiin ṭhatnak kan langhter.

Mikip sin kan langhter lai.

Khrihfabu kip le chungkhar kip,

Khua kip le innpa kip sin

Na thiang thlarau le thluachuah nih

Ṭhatnak tuah kan forh ko seh.