1. Aa lawmmi Pathian, zaangfah hmang,

A phung men langhtermi si lo.

Pathian nih zaangfahnak a duh.

A herhmi vialte a kan pek.

Aa ngaichihmi hnangamnak hmu,

Lungtak nawlnak Pathian nih theih.

Leidip kan si kha a philh lo.

A dawt-zaangfahnak cu a ding.

2. Sualnak tuah i lungretheih tik,

Sualnak in ngaihthiamnak kan hmu.

Jesuh nih lam a kan hmuhsak,

Zaangfahnak hmuh ding thlacam u:

‘Midang kan ngaihthiam hna bangin,

Kan sualnak kan ngaithiam ve ko.’

Huatnak kha kan i tlaih peng lo,

Lungdaihnak, hnangamnak kan hmu.

3. Pathian zaangfahnak hmuh duh cun

Siannak lungput kan ngeih a hau.

Thangṭhatnak hmuh duh ah si lo,

Midang lawmhternak caah si.

Kan tuahmi Pathian nih a hmuh,

Pathian nih thluachuah pek ṭhan lai.

Zaangfah hmangmi an i lawm lai;

Pathian hmai duhnungmi an si.