1. Jehovah Pathian ka Tuukhal;

A ka hruainak ka zulh lai.

Kaa ruahchannak, ka duhnak a hngalh;

Ka herhmi vialte a hngalh.

Tidai pawngah a ka hruai tawn,

A himnak ah a ka hruai.

A daimi le a nuammi hmun leiah

Dawtnak in lam a ka hruai.

A daimi le a nuammi hmun ah,

Dawtnak in lam a ka hruai.

2. A dingmi na lam zulhnak nih

Hrimhnak, daihnak a ka pek.

Na min ruangah zumhawktlak tein;

Ka umter zungzal hram ko.

A mui tukmi hor thuk chungah;

Na ṭhiangṭhunh nih hna ngamter.

Ka Hawi le ka Pathian na si caah,

Ṭihnak zeihmanh ka ngei lo.

Ka Hawi, ka Pathian na si caah,

Ṭihnak zeihmanh ka ngei lo.

 3. Jehovah Pathian ka Tuukhal;

Na ka hruainak ka zulh lai.

Thazaang na ka pek, na ka huhphenh;

Ka herhmi na ka pek dih.

A fekmi ruahchannak, zumhnak

He na sinah ka chim tawn.

A hmunmi na dawtnak le zaangfahnak

Ka nunchung hmu zungzal ning.

A hmunmi na dawtnak, zaangfahnak

Ka nunchung hmu zungzal ning.