1. Kan Bawipa a rian kha ṭuan cio u;

Sawmnak kha lunglawm te’n cohlang.

A kan bawmh lai, lam a kan hruai lai;

A cawnpiaknak kha zul u sih.

Biatak thlaici ṭhanternak ṭhawnnak ngei,

Lungthin ṭha a ngeimi cungah.

Zumhawktlak te’n ṭuan law a ṭha bik kha pe,

Pek na simi a sunglawimi rian.

2. Na rian ah hmuhmi hlawhtlinnak cu

Nangmah cungah tampi aa hngat.

Thawngṭha a theimi hna bawmh an hau

Biatak kha hngalh in duh awkah.

An ton dingmi ṭihnak le thinphannak

Tawnghtham khawh awkah kan bawmh hna.

Biatak thlaici an ṭhanmi na hmuh tikah

Nifate lunglawmhnak na hmuh lai.