1. Pennak thawngṭha chimnak ah kan Bawipa nih,

Lam a kan hmuhsak, a kan hruai:

‘Thlaraulei an chambaunak aa hngalmi hna,

Nan phanhnak hmun paohah kawl hna u.

Mi kha nan cungah daihnak um seh tiin,

Aa tlakmi kha daihnak pe hna u.

Mi nih an duh lo, an in al hna ahcun,

Nan ke leidip behmi thing ta u.’

2. Aan cohlangmi hna nih Bawipa an cohlan.

An lung innka, Pathian nih hun.

Zungzal nunnak hmuh an duhnak lungthin nih

Pathian biak awkah a forh hna lai.

Chim awk bia ca lungretheih ding a si lo,

Bawi Jehovah nih aan bawmh hna lai.

Nan biachim cu cite bang a al ahcun

Lungnem, toidormi nih an duh lai.