1. Inn kip ah le kutka kip ah,

Jehovah bia kan thanh.

Lo kip ah le khuapi kip ah,

Jehovah tuu kan kawl.

Pathian Pennak kong thawngṭha bia,

Jesuh Khrih chimchung bang,

Vawleicung pumpi ah kan thanh,

Khrihfa tar le no nih.

2. Inn kip ah le kutka kip ah,

Khamhnak thawngṭha kan chim.

Mi nih Jehovah a min in

Thlacam awk an i thim.

A min kha an hngalh lo ahcun

An upat kho lai lo.

Cuca’h inn kip, kutka kip ah,

A min thiang cu kan thanh.

3. Pennak thawngṭha bia thanh awkah

Inn kip ah kal u sih.

An cohlan le cohlan lo cu

Anmah te’n an thim lai.

Zei si hmanhah Jehovah min,

Le a biatak kan thanh.

Innka kip ah kan kal ahcun,

A “tuu” kan hmuh hna lai.