1. Jehovah rian zumhtlak in ṭuan awk

Khat le khat kan i forh tikah,

Dawtnak hri a feh chinmi kan hmuh;

Rianṭha nih lungrualnak chuahter.

Pathian miphun ngeihmi dawtnak nih

Inkhawhnak ngeih awk a kan bawmh.

Khrihfabu cu dornak hmun a si,

Himnak kan hmuhnak hmun a si.

2. Amahle caan ah chimmi bia cu

Thazaang a kan petu a si!

Zumhawktlak dawtmi hawikom sinin

Hnangamnak bia kan theih zungzal.

Ruahchannak, tinhnak aa khatmi he

Hmunkhat rian ṭuanṭi cu a nuam.

Pakhat le khat thazaang kan i pe,

Kan thilrit phorh kan i bawm cio.

3. Jehovah ni a nai cang ti kha

Zumhnak mit in hmuh khawh a si.

Pathian duh ningin nun khawh awkah

Hmunkhat ah i pumhṭi kan herh.

Pathian miphun he lungrual tein

Jehovah biak zungzal kan duh.

Cuca’h zumhfek tein um awkah

Pakhat le khat i forh u sih.