1. Cauk pakhat ah catlap tampi a um,

Daihnak, lawmhnak, ruahchannak a kan pek.

A ṭha tukmi ruahnak, ṭhawnnak he a khat;

“Mithi” a nunter, “mitcaw” khua hmuhter.

Mah cauk mansung cu Pathian Baibal Thiang.

Pathian thiang thlarau nih a forhmi le

Jehovah Pathian cung dawtnak a ngeimi,

Thlarau hmumi nih an ṭialmi a si.

2. Pathian nih a ṭhawnnak in van le vawlei,

A sernak kong a hmaanmi kha an ṭial.

A hramthawk minung an rak tlinnak kong le

Paradis an sunghnak kong zong an chim.

Jehovah Pathian nawlngeihnak a dotu

Vancungmi pakhat kong zong an chim rih.

Cu dohnak nih sualnak, ngaihchiatnak chuahter,

Siseh, Jehovah nih a tei cang lai.

 3. Lunglawmhnak in a khatmi caan ah kan nung.

Jehovah nih a uk, Bawi Khrih thawngin.

Cucaah Pennak kong thawngṭha chim u sih,

Ruahchannak thluachuah kong kha thanh u sih.

Lunglawmh awk mah thawngpang, Baibal ah kan hmuh;

Thlarau rawldanghnak puai nganpi a si.

Minung ruahnak nih phak lomi daihnak pek;

Hi Ro Sung cu mikip rel khawh a si.