Download:

• Lead Sheet

1. 1. Nang bang hodah um Jehovah,

   Na bawiṭhutdan cung sang ah?

   Na langhtermi dawtnak vialte

   Zeitin in dah kaan cham khawh lai?

   Cunglei van khi ka zoh tikah,

   Ṭhawnnak, sunparnak ka hmuh.

   Maw Jehovah, hodah ka si,

   Na mithmai ṭha cu hmuh awkah?

   (CHORUS)

   Maw Jehovah, ka hla ka ngaihpiak sawh.

   Nangmah thangṭhatnak hla si.

   Ka Pathian le ka Siangpahrang na si,

   Naa tlakmi kha kaan pek lai;

   Sunparnak vialte hmu ko.

2. 2. Na ta ka si, Maw Jehovah.

   Nangmah cu kaan thangṭhat lai.

   Na ṭhatnak kong kha ka chim lai,

   Na sunparnak kong ka chim lai.

   Na rianṭuannak nih Jehovah,

   Uangthlar in a ka umter.

   Ka thazaang, sunparnak na si.

   Zungzal a ka Hruaitu si ko.

   (CHORUS)

   Maw Jehovah, ka hla ka ngaihpiak sawh.

   Nangmah thangṭhatnak hla si.

   Ka Pathian le ka Siangpahrang na si,

   Naa tlakmi kha kaan pek lai;

   Sunparnak vialte hmu ko.

3. 3. Tanglei rili le horkuang hna,

   Cunglei ni, thlapa, arfi

   Khuaruahhar na kutzung hna nih

   A hmunmi na dawtnak langhter.

   Lianngannak, fimnak le dawhnak:

   Ka ca’h zoh cim lo an si.

   Na kutzung sermi thil caah

   Sunparnak vialte kaan pek lai.

   (CHORUS)

   Maw Jehovah, ka hla ka ngaihpiak sawh.

   Nangmah thangṭhatnak hla si.

   Ka Pathian le ka Siangpahrang na si,

   Naa tlakmi kha kaan pek lai;

   Sunparnak vialte hmu ko.