Génesis 35:1-29
35 Impoiji icantiri Tasorentsi Jacobo:
—Meeca povaanajea anta namitsiqui Betel, aitaque pisavicapaajeri. Pivetsicapeero altar pimpincatsatantenari; tempa narotaque onijaaquempiri peerani anta, pishiapitsatantacariri pirenti.
2 Impoiji icantiri Jacobo ishaninca aisati maaroni tsipajeitariri:
—Meeca pojocajeitajeri pijitasorentsiyevetari timimojeitimpiri. Impoiji pincaajeite aisati pinquitsaajeitajea cameetsari piitsaare.
3 Tsame avaajeitanajea anta nampitsiqui Betel. Novetsicapeerota altar ampincatsajeitanteariri Tasorentsi; tempa iriotaque amitacotaquenari peerani opomerentsitimotantaquenari. Aisati iriotaque quiso oaquenari noquenantayetacari jaocapeerica.
4 Ari yamajeitaqueneri maaroni itasorentsiyevetari aisati itsayetiri iyempitaqui. Yaajeitavaquero Jacobo, itijaquero otsitiqui inchato encina quempejitarori nampitsi Siquem.
5 Ijajeitantacari, icantacaashireacari Tasorentsi savicajeitatsiri nampitsipeequi, itsaroacaasanojeitantacariri. Irotaque caari yoijajeitantanacari irimanajeitavaqueri.
6 Ari yareejeitajaro nampitsi Betel pajiveitachaniri Luz, timatsiri quipatsiqui Canaán.
7 Yovetsicapaaque altar, ipajitaquero El Betel. Aitaque inijaacariri peerani Tasorentsi ishiapitsatantanacariri irirenti.
8 Aitaque ocamapaaqueri iroori DÉbora, amenironiri Rebeca ojananequitapaini. Otimi quempeji inchato icanteetiri encina, aitaque itijaquerori. Irosati ipajitantacaro Iraacotanteetarori Camaintsiri.
Iquenquetsatacotajiro Jacobo iponeantajari quipatsiqui Padan-aram:
9 Iponeantajari Jacobo quipatsiqui Padan-aram, inijaavajari nianqui Tasorentsi, itasoncacoventantajariri icantasanotaqueri:“Aviro pipajita Jacobo,eiro meeca pipajitajatsi;meeca pimpajitajea Israel.”
10 -
11 Icantiri aisati:“Narotaque Tasorentsi mayetirori maaroni paitapeerica;irishequiasanojeitanaque pitomipeeaisati pishanincajeitajeari.Avirotaque intacantearone poshequianaquejeri nashiyetanainchaneri,aisati incarajeiteri pincatsariventajeitantatsine.
12 Oca quipatsi nopaqueriri Abrahamani jeri iriori piri Isaac,irotaque nopaquempiri aviroriImpoiji nompajeiteri iriori pishanincajeitajeari.”
13 Ipeantanajari Tasorentsi, yaaque Jacobo mapi tsantsari, yoatiaquero, isaitaquero oreji orivo jero ovaja, inashitacaacaro.
14 -
15 Irosati ipajitasanotantacaro Betel.
Itimantacari Benjamín, irosati ocamantaca Raquel
16 Impoiji yovaajeitanaja Jacobo. Ari nianqui avotsi oquemaatsicataca Raquel, areejitatsiquera nampitsi pajitachari Efrata.
17 Tequeratsita intimiteaji, osamani oneacatsitacari. Ora amenaquerori ocantiro: “Eiro pitsaroashiretitsi, aitaque pitimajiriri pashini pitomi.”
18 Ari irotimataintsi oncame Raquel opajitanaqueri otomi Benoni, irosati ocamantaca. Iro cantaincha yora iriri ipajitaqueri iriori Benjamín.
19 Aitaque ocantacari ocamantacari Raquel, itijaquero avotsinampiqui jatantachari Efrataqui, pajitajanchari BelÉn.
20 Ari yaaque Jacobo mapi, yoatiaquero itijaqueronta, iquenqueshireantarori ijinani. Irosati meeca ocanta otimi.
21 Ari yovaajeitanaja aisati. Isavicajeitapaaji anta yavishimatanaquero pancotsi jenoqui yamenacotantariri timatsiri nampitsiqui Edar.
22 Ainiroquera isavicajeitaque Israel yora RubÉn, yora jivatatsiri itimi, yoonaitaqueri inampire iriri pajitachari Bilhá. Ari iquemaquero iriri oca yantaqueri itomi, oshequi iquisasanotanaca.
Ivajiro itomipee Jacobo
(1 Crón. 2.1-2)
Jero ivajiro itomipee Jacobo carajeitatsiri 12:
23 Yora otomipee Lea ipajijeita RubÉn, Simeón, Leví, Judá, Isacar jeri Zabulón.
24 Yora otomipee Raquel ipajita JosÉ jeri Benjamín.
25 Yora otomipee Bilhá, onampire Raquel: Dan jeri Neftalí.
26 Yora otomipee Zilpá, onampire Lea: Gad jeri Aser.
Iriojeitaque itomipee timaintsiri anta Padan-aramaqui.
Icamantacari Isaac
27 Yora Isaac irosatiquera isaviqui iipatsitequi MamrÉ, isavicacairini iririni. (Ora nampitsi opajita aisati Arbá aisati Hebrón.) Ari ijataque Jacobo irineajeri iriri.
28 Anteashipatasanotanaque ini Isaac, ocaratapaaque 180 irosarentsite, irosati icamantaca.
29 Icaratajiri ishanincapeeni camajeitaintsiri. Ari itijaqueri Jacobo iririni, icarataqueri irirenti Esaú.
Jero oca ivajiropee ishanincapeeni Esaú
(1 Crón. 1.34-54)
