Génesis 40:1-23
40 Ari osamaniiteanaque, yora jivatacairiri papinitiriri pincatsari ovaja, aisati iriori jivaatiriri vetsicapinitirori itantane yantimotaqueri caari ineacameetsati.
2 Ari iquisaqueri pincatsari yora apite amitacojeitiriri; yoiminqueacantaqueri caravosoqui, timatsiri ivancoqui jivatacairiri shentayetiriri pincatsari, yoiminqueetaquerinta iriori JosÉ.
3 -
4 Yora jivatacantatsiri caravosoqui icantaqueri JosÉ: “Aviro amenajeitapaajerine yocapee.” Ari osamanitanaque itimajeitaque.
5 Aparo tsiteniri imishitaca apiiteroqueti. Onashiyetaca aparopee imishiyetacari aisati oshiacantayetiri.
6 Iro cantaincha te iriotacoteroji, irotaque yoashirejeitantacari. Ari oquitaiteamanaque yora JosÉ ijatashitamaniri yamenajeitamaniri, ineajeitapaaqueri yoashirejeitaca.
7 Isampitapaaqueri:
—¿Paitampa poashirejeitantacari?
8 Yacajeitanaqueri:
—Timatsi nomishiyetacari. Iro cantaincha tecatsi camantenarone oshiacaaventiri.
Icantanaqueri:
—Tempa irio Tasorentsi iotacantirori oshiacantayetiri. Jentsite, pincamantenaro paitarica pimishiyetacari.
9 Irosati icantantacari JosÉ jivatacairiniri papinitiriri pincatsari irapinitiri, icanti:
—Jero oca nomishitacari: Noneaquero ovapee oshiocanaque, ocarati mava ojempequi oteaquitanaque. Ora oteaquipee opeanaca oitsoqui iracatsintaquitanaque.
10 -
11 Ari naaquero nocamitsoaquero irapinitantariqui pincatsari. Impoiji naanaqueneri nopapaaqueri.
12 Impoiji icantanaqueri JosÉ:
—Jero oca oshiacaaventiri pimishitacari: Ora pineaqueri ojempequi caratatsiri mava, oshiacaaventiro mava quitaiteri.
13 Oncaratapaaquerica mava, irosati incantacoventantajempi pincatsari iroimisoquijacantajempi. Incantajempi aisati pimpapinitajeri irapinitiri, pinquempetajea peerani.
14 Ariorica omoncarataquea oca nocantaquempiri, pinquenqueshiretajenayea narori. Pincavintsaajena, pincantacoventajena pincatsariqui iroimisoquijacantajenata.
15 Peerani yamashiyetaquena iipatsitequi hebreopee. Aisati tecatsi nante nosavicantari aca yoiminqueashiyeetaquena.
16 Iquemantacariri iriori jivatacairiniri vetsicapinitirori tanta, cameetsa oni ora icamantaqueriri, icantanaqueri iriori:
—Jentsite pincamantenaro narori nomishitacari paitarica oshiacaaventiri. Noneaquero mava cantiri ojaacaro tanta, noanquetacotacaro noitoqui.
17 Ora jenoquiniri mavatapaintsiri ojaacaro tanta pochayetatsiri irashi pincatsari. Iro cantaincha ipocajeitapaaque vanquiyetachari, yoajeitapaacaro.
18 Ari icantiri JosÉ:
—Jero oca oshiacaaventiri pimishitacari avirori: Ora caratatsiri mava cantiri oshiacaaventiro mava quitaiteri.
19 Oncaratapaaquerica mava, irosati incantacoventantempi pincatsari, intsatacantempi inchatoqui. Impoiji impocajeitapee vanquitachari iroajeitapemparo pivatsani.
20 Ari ocaratapaaque mava quitaiteri omoncarataca itimantacari peerani pincatsari. Yantacantaque antearoite fieshita, icajemajeitaqueri maaroni amitacojeitiriri inquimoshireventajeitaquero. Impoiji iquenqueshireajiri yora yoiminqueacantajeitaqueri apite caravosoqui, yoimisoquijacantajiri.
21 Ari yaacameetsatajiri yora jivatacaariri papinitiriri irapinitiri. Icantajiri aisati impapinitajeri iquempetani peerani.
22 Irintiquea yora jivatacairiniri vetsicapinitirori itantane, itsatacantaqueri inchatoqui. Omoncarataca icamantitacariri JosÉ.
23 Iro cantaincha yora jivatacairiri papinitiriri pincatsari irapinitiri, te inquenqueshireacotajeriji JosÉ. Irosati icanta itimi anta caravosoqui.
