YOTAANTSI 7
¿Jaoka ojitari Ipinkatsaritantari Tasorentsi?
1. ¿Jaoka inkantyari impinkatsaritanteeri Tasorentsi?
¿Paita ijitantari Jesoshi kameetsari pinkatsari? (MARICOSHI 1:40-42).
Kapichanibaniji yora Tasorentsi intsonkeri maaroni pinkatsariyetatsiri kipatsisatipee, ari irimonkaratakero maaroni ikoakeri anta jenokinta aisati aka kipatsikika. Ikantimpi Tasorentsi koajika maaroni atiripee intsipatabakaajeitya, tempa Ipinkatsaritantari Tasorentsi ari irimatakero oka. Piñanatero Mateo 6:9, 10; 24:14; Irocashi 4:43.
Okempeta aparopee nampitsi, yora ashaninka ikoyeakeri pinkatsari, aisati Tasorentsi Yioba ikoyeakeri itomi impinkatsaribentajeitee koajika. Piñanatero Irantayeteri Jesoquirishito 11:15.
Pamenero shiakaantsi ¿Jaoka ojitari Ipinkatsaritantari Tasorentsi?
2. ¿Paita ijitantari Jesoshi kameetsari pinkatsari?
Itomi Tasorentsi irinti kameetsatasanotatsiri pinkatsari, tempa ineshinonkatanti aisati itampatikatasanotanti (Mateo 11:28-30). Ariorika impinkatsaribentero kipatsi iramitakoteri ashaninka, tempa irinti shintsiri. Peerani yoitinaajiri Tasorentsi itomi, impoiji ipa- keri ibinkatsarite (Ijorioririnte 10:12, 13). Koajika yora Jesoshi impinkatsaribentajeitee arorijei. Piñanatero Irocashi 1:31-33.
3. ¿Apanirompa Jesoshi impinkatsaribentero kipatsi?
Okantiri Bibiria pashinipee kemisantatsiri inkarajeiteri Jesoshi, impoiji impinkatsaribentajeitee. Irantayeteri Jesoquirishito 5:10 okantiri:“Pipeajeitaqueri pincatsarijeitatsiri”. Ikoyeakeri Jesoshi aparopee kemisantatsiri, irintini irobameresanoripee, yokapee jibataintsiri ikoyeane Tasorentsi, irosati meeka, iriri Jesoshi ikoyeakeri aparopee shirampari, tsinane kemisantatsiri pinkatsaritajantsine inkiteki. Yora jatatsine anta inkiteki eiro otimitsi ibatsa, itonki, iriraja. Piñanatero Joa 14:1-3; 1 Corintosati 15:42-44.
¿Jaoka onkarateri jatatsine inkiteki? Okantiri Bibiria aparopee kemisantatsiri irisabike anta inkiteki (Irocashi 12:32). Okarati 144.000 intsipajeityari Jesoshi impinkatsaribentantyarori kipatsi. Piñanatero Irantayeteri Jesoquirishito 14:1.
4. ¿Paita abisaintsiri Jesoshi intantakarori ipinkatsaritake?
Osarentsiki 1914 * intakaro Jesoshi ipinkatsaribentiro inkiteki, irootake yojokantakariri kamaari jeri inampirepee aka kipatsiki. Ikisa kamaari osheki katsini, irootake yoashinonkaajeitantakariri maaroni ashaninkapee (Irantayeteri Jesoquirishito 12:7-10, 12). Irootake otimantari atiripee yantabakaaka, aakeri itaashe, ijokiita, aisati ainiro onikapinita. Pamenerorika oka, ari piyotake irotaintsi Tasorentsi impinkatsaribentero kipatsi. Piñanatero Irocashi 21:7, 10, 11, 31.
5. ¿Jaoka okantari ipinkatsaribentajeitee Tasorentsi meeka aisati koajika?
Meeka yobamejeitiri Tasorentsi aisati yapatojeitiri “osheki katsini atiri”. Osheki shirampari, tsinane kemisantajeitiriri Jesoshi ari irabisakotaje, irintikea yora tseenkajeitantatsiri eiro itimitsi. Pinkoakerika abirori impinkatsaribentempi Tasorentsi, pinkeariobentero pinkemisanteri Jesoshi. Piñanatero Irantayeteri Jesoquirishito 7:9, 14, 16, 17.
Osamanite onkarate 1.000 osarentsipee, irobameetsatantajearori Tasorentsi maaroni timayetatsiri aka kipatsiki, impoiji ompeanajea kameetsa kipatsi, aisati Jesoshi iroipiajeneri iriri ibinkatsarite (1 Corintosati 15:24-26). ¿Jaanikampa pinkamanteri abirori piyotabakeri meeka? Piñanatero Salmos 37:10, 11, 29.
^ párr. 6 Piyotantyarori okantakotiri Bibiria ora osarentsi 1914, pamenero sankenarentsi pajitachari ¿Qué nos enseña la Biblia?, Iñaneki chori, páginas 217-220.
