Tempa yora Tasorentsi irinti Apa, Betsikirori maaroni aisati iritake Yotinkari, tekatsi anaakoterine. Irootake ikoantari iriori pinkemisantasanoteri, tempa inintasanotimpi (Proverbios 20:4). Yora shirampari irobameteri itomi jaoka inkantyari impankitantyari, okempeta Yioba irobametempi pantantyarori kameetsatatsiri (Salmos 119:165). Ipakempiro Tasorentsi iriñane, irointi oka kameetsatasanotatsiri. Piñanatero 2 Timoteo 3:16.

Ariorika pinkemisantero yobametantiri Tasorentsi, aitake kameetsa pisaike meeka aisati koajika. Eiro pipeakotarotsi, iritake Tasorentsi betsikakempiri, okameetsati aikero pijatatiye pinkemisanteri iriori. Piñanatero Salmos 19:7, 11; Irantayeteri Jesoquirishito 4:11.

Ora yobametantiri Tasorentsi irointi kameetsaperotatsiri, eiro opeatsi. Ari amitakotakempi jaokarika pijayeteri (Deuteronomio 22:8). Okameetsati pinkenkeshireasanote jaoka pinkantyari pinkemisantantyariri Tasorentsi (Proverbios 2:10-12). Okantiri Bibiria, iritake Tasorentsi oañeiriri maaroni, irootake pinkempoyeakobentantyarori pañantari pijaterika pitsameti, nijaki, pinkote, keariompia, paamabentya. Piñanatero Itiancaneni Jesoshi 17:28.

Ikantakeri Jesoshi, pijibate piyotero jaoka ikantari Tasorentsi, pininteri aisati pantabeeteneri iriori. Pimonkaraterorika oka, pantayetero kameetsatatsiri (Proverbios 3:6). Aisati pimatero pishaninkatajeari Tasorentsi, aitake  kameetsa pisaike meeka irosati onkantyani. Piñanatero Mateo 22:36-38.

Ariorika pinkemisantero otsipa ikantakeri Jesoshi ari paakameetsatabakaajeitaka (1 Corintosati 13:4-7). Aisati pimatero abirori pinkempetyari Tasorentsi, tempa iritake kameetsatasanotatsiri. Piñanatero Mateo 7:12; 22:39, 40.

Ora yobametantiri Tasorentsi amitakotempine pinintabakaajeitya aisati pintsipatabakaajeitya pishaninkasanori (Corosashisati 3:12-14). Aisati obametempiri kiso poyeri pitsipatari, eiro pojokabakaajatsi. Piñanatero Génesis 2:24.

Ora yobametantiri Tasorentsi amitakotempine jaoka pinkanteriri kireki aisati paayero pantabere, tempa osheki nampitariri inkoyeri ashaninka kaari koshinti, kaari peranti, antirori kameetsatatsiri (Proverbios 10:4, 26; Ijorioririnte 13:18). Obametempi Iriñane Tasorentsi pibeshireimentyaro poyeari, pibararo, eiro pikoitsi poshekiyeri piirekite, irointikea pinintasanoteri Tasorentsi. Piñanatero Mateo 6:24, 25, 33; 1 Timoteo 6:8-10.

Aparopee atiri ishinkitaka impoiji ikisabakaajeita, ijokiita, te añeriji iirekite (Proverbios 14:30; 22:24, 25). Iro kantaincha, Iriñane Tasorentsi obametempi kameetsa pisaikantyari (Proverbios 23:20). Okantimpiri Iriñane Tasorentsi, te onkameetsateji pirero osheki kachojari, katsijari, iro kantaincha pimatero pirero kapichaji pochajari, eiro pishinkitatsi (Salmos 104:15; 1 Corintosati 6:10). Ora yobametantiri Tasorentsi obameetsashiretajempiro piyenkeshireamento pantantyarori kameetsatatsiri, keariotake, kameetsa pisaike (Salmos 119:97-100). Iro kantaincha, pinkemisanteri Tasorentsi tempa pinintasanotiri aisati pipinkatsatiri abirori, impoiji pashinipee atiri impinkatsateri Tasorentsi aisati. Piñanatero Mateo 5:14-16.