YOTAANTSI 4
¿Paita abishimotakeriri kemisantajeitakeriri Kamaari?
Ikamajeitake Aran aisati Eva, tempa te inkemisanteriji Tasorentsi (Génesis 3:6, 23).
Okemisantakero Eva maranke, oakaro chochoki, aisati opakeri iriori ojime, yoakaro.
Yantajeitakero kaari kameetsa Aran aisati Eva, irootake yoimisokijantakariri Tasorentsi iriorijei ibankiremashiki.
Irootake opomerentsitimotantakariri, aisati ikenkibaritanake, ikamajeitanake, iro kantaincha, te irijateji inkiteki, te irijateji sharinkabeniki paamari; te impeanajeaji piraatsipee.
Yora kamayetaintsiri, impeanajea kipatsibane, eiro imatirotsi irantayetajero (Génesis 3:19).
Iritake Aran acharine, irootake meeka akamanejeitantari arori maaroni. Yora kamayetaintsiri, te inkemeji, te irameneji, tekatsi irante; eiro atsarobakairitsi (Salmos 146:4).
Te inkoabeityaji Yioba, inkamajeite atiri. Koajika irointinaajeri kamayetaintsiri, maaroni. Inkemisantajeiteririka Tasorentsi, inkantaitatiyempani irañe, eiro ikamanetajitsi.
Onimotempirika oka
OBAMETAANTSI KAMEETSAYETATSIRI BIBIRIAKI
¿Paita abitsatsineri ankamakerika?
Okantasanoti Bibiria osheki atiri intinaanaje ishiari Irasaro.
OBAMETAANTSI KAMEETSAYETATSIRI BIBIRIAKI
¿Paita ishinetantari Tasorentsi abashinonkayea?
Ora Bibiria irobametempi piyotantyarori oka aisati poyakotantyariri Tasorentsi.
