YOTAANTSI 11
¿Arimpa ikemisantimpi Yioba?
Ariorika pinkenketsatakayeri Tasorentsi, ari ikemakempi (1 Petero 3:12).
Pinkenketsatakayeri Tasorentsi Yioba piñaneki, ari ikemisantakempi (Salmos 65:2). Ikoiri Tasorentsi pinkantayeteri abirori jaoka pikantashiretari.
Pinkenketsatakayeri apinti Yioba, tekatsi pashini.
Pinkenketsatakayeri Tasorentsi paitarika pikoiri (1 Joa 5:14).
Pamanapiniteri Tasorentsi irimonkaratantyarori ikoiri aka kipatsikika, okempeta yantakeri inkiteki.
Pinkenketsatakayeri Tasorentsi ibajiroki Jesoshi, tempa iriori ikamimentakempi abirori.
Pinkoakerika kameetsa pantayetero, aisati te añerorika pibanko, poyeari, pitsaare, pantabeere, pinkanteri Yioba. Aisati pamaneri iriori iramitakotantyariri jokiyetacharipee.
Onimotempirika oka
OBAMETAANTSI KAMEETSAYETATSIRI BIBIRIAKI
¿Ikemimpimpa Tasorentsi?
Aparo atiri yantiro kaari kameentsatatsi impoiji iramaneririka Tasorentsi, ¿inkemerimpa Tasorentsi? Iriorika shirampari kaari kabintsayerone ijina aisati ipasatiro impoiji iramaneririka Tasorentsi, ¿inkemerimpa Tasorentsi?
