YOTAANTSI 3
¿Jaoka ikantakari isaikajeitini Aran aisati Eva?
Tasorentsi ipakeri Aran aisati Eva osheki kameetsatatsiri (Génesis 1:28).
Yobetsikakero Yioba Eva, irointini jibataintsiri tsinane, impoiniji ipakeri Aran ijinantyari (Génesis 2:21, 22).
Ibatsa Aran jero Eva kameetsatasanotatsiri katsini tempa te ijokityaji, te inkameji, tekatsi irantane.
Oka kipatsi irointini okameetsatasanotake katsini, opajita pankiremashi Edén, timatsini chochokipee, inchatopee, piraatsipee aisati nijaki. Kameetsa isaikajeitini maaroni.
Yora Yioba ikenketsatakairi Aran jero Eva aisati yobamejeitakeri. Inkoakerime inkantyanime kameetsa irisaikajeiteme, okameetsateme inkemisantasanoteri Tasorentsi.
Ikantini Tasorentsi: “Eiro poarotsi aparoni inchato osaiki niankinirira ibankiremashiki” (Génesis 2:16, 17).
Aparoni inampire ipiatsatakari Tasorentsi. Yoka piatsatachari ipajita Kamaari aisati Satanashi.
Tasorentsi ikantakeri Aran aisati ijina: “Eiro poarotsi oka chochoki, ariorika poajeitakearo ari pinkamajeitake”.
Yora Kamaari te inkoyeji, Aran jero Eva inkemisantajeiteri Tasorentsi. Yajirikakero maranke iñabetantyarori Eva, ikantakero: “Ariorika poajeitakearo, eiro pikamajeititsi, irointikea pinkempetanakeari Tasorentsi”. ¡Antyaroite tseeyaantsi! (Génesis 3:1-5).
Onimotempirika oka
OBAMETAANTSI KAMEETSAYETATSIRI BIBIRIAKI
¿Paita yobetsikantakarori Tasorentsi kipatsi?
Ora kipatsi iro abanko kameetsa katsini. Osaiki arejitatsiri katsirinkaiteri, okantani oshonka kameetsa aisati kapichaji otipita. Pikenkeshirempa ¿paitampa Tasotentsi yobetsikantakarori kameetsa kipastsi?
