YOTAANTSI 9
¿Jaoka onkarateri kameetsa asaikantyari?
Aritake okantiri Bibiria omonkarataka, irootake ayotantari koraketaintsi Ipinkatsaritantari Tasorentsi (Irocashi 21:10, 11; 2 Timoteo 3:1-5).
Peerani, okamantakeri Iriñane Tasorentsi timatsiri meeka: osheki pomerentsi, impiatsatyari itomi iriri, inkoasanoteri kireki, irantayetero osheki kaari kameetsatatsi, inkoanake inkimoshiretashitya.
Aisati okantayetakeri ontime osheki onikasanotanakea kipatsi, obayeritaantsi, tashetsi, mantsiarentsi. Maaroni oka omonkarataka.
Ikantakeri Jesoshi: “Pijajeitanake maaroni kipatsiki, pinkamantakojeiteri ashaninkapee Ipinkatsaritantari Tasorentsi” (Mateo 24:14).
Ipinkatsaritantari Tasorentsi intsonkero maaroni kaari kameetsatatsi (2 Petero 3:13).
Irotaintsi intsonkeri Tasorentsi tseenkajeitantatsiri.
Aisati Jesoshi iroasanketayeri Kamaari jeri inampirepee.
Maaroni kemisantiriri Tasorentsi kameetsa asaikajeite kipatsiki, anintabakaajeitya, antsipatabakaajeitya, aakameetsatabakaajeitya, eiro atsaroitsi.
Onimotempirika oka
SANKENARENTSIPEE
¿Arimpa ontsonkajea oashinonkaantsi?
Ora Bibiria okanti te ininteriji Tasorentsi yora oashinonkairiri atiri. ¿Jaoka okantari amitakotanteeri oka?
