YOTAANTSI 10
¿Paita impayeteri Tasorentsi kemisantajeitatsiri?
Osheki kamayetaintsiri ari intinaanaje irisaikajeitantyarori kipatsiki (Joa 11:25).
Pinkenkeshirero, ¿paita impempiri Tasorentsi? Pinkemisanteririka Tasorentsi, intasonkakobentempi, kameetsa pisaikantyari koajika, paitapeerika pimpankiyetero ari pobitakero, poyaro poshini, eiro piñajirotsi kaari kameetsatatsi.
Aisati, eiro pikematsikatajarotsi, eiro piraatsi, eiro pikenkibaritanatsi, eiro pijokitajatsi, eiro pikamajitsi.
Pinkarajeiteri pishaninkasanoripee, pitsipamintsarepee. Kameetsa katsini pisaikantyarori iroakerari kipatsi.
Eiro piñajirotsi kaari kameetsatasi, kimoshire pinkantya. Eiro pitsaroitsi.
Impinkatsaribentajeitena Tasorentsi Yioba, irosati intsonkantyarori ashinonkaantsi (Irantayeteri Jesoquirishito 21:3, 4).
Onimotempirika oka
OBAMETAANTSI KAMEETSAYETATSIRI BIBIRIAKI
¿Jaoka ojitari Ipinkatsaritantari Tasorentsi?
Isaikabeitani Jesoshi aka kipatsiki yobametasanotakeri itsipapee, aisati ikamantakotakeriri ojitari Ipinkatsaritantari Tasorentsi. Yora atiripee yamanapinitiri Tasorentsi impinkatsaribentanteriri.
PIYOTAKOJEITENA
¿Paita okameetsatantari ayoperotero Iriñane Tasorentsi?
Meeka osheki atiri iyotasanojeitiri Iriñane Tasorentsi, ¿pikoi piyoteri?
